18-vjeçari amerikan futet në shtëpi dhe rrëmben binjakët 4-vjeç – njërin prej tyre e mbyti

Amerikani 18-vjeç për pak orë ka kryer krime të tmerrshme: pasi që u fut dhunshëm në një shtëpi në Dallas të Teksasit, rrëmbeu binjakët 4-vjeçar ku më pas ka mbytur njërin prej tyre.


Kamerat e sigurisë kanë kapur momentin kur Darian Brown futet në dhomën e djemve Cash dhe Carter, dhe merr njërin prej tyre. Disa orë më vonë, u kthye për të marr edhe tjetrin.

Në atë moment, vëllai binjakë qëndronte i shtrirë dhe i “masakruar” në një kanal te Dallasi. Në pamje shihet Brown në shtëpi duke u futur me një kapelë në kokë, dhe duke u larguar me djaloshin duke u siguruar nëse po flenë.

Në momentet e para dukej i frikësuar, analizonte çdo tingull nga frika se mund të kapet. Megjithatë, disa sekonda më vonë i afrohet shtretërve. I vëzhgoi disa sekonda dhe më pas e kapi njërin prej djemve. 45 minuta pas hyrjes së parë, vogëlushi Cash është gjetur i mbuluar në gjak në një kanal uji me shumë plagë thike nëpër trup.

Kjo nuk e ndali të vazhdojë me krime tjera, kamerat e filmuan rreth orës 7 të mëngjesit, duke u rikthyer në dhomën e djaloshit – kësaj radhe për ta marrë vëllain e dytë – të cilin gjithashtu e rrëmben nga shtrati.

“Vërejtëm se nuk ishin pas orës 7 të mëngjesit” tha kujdestarja e djemve, njëherit ish-partnerja e babait të tyre.

Ajo madje tha se kurrë nuk do të kishte menduar se dikush do t’i rrëmbej apo t’ju bëjë keq.

“I kam telefonuar policisë, por mendova se mund të ketë dalë jashtë, derisa kontrollova kamerat e sigurisë”, ka shtuar ajo.

Trupi i pajetë i djaloshit është gjetur nga një vajzë e cila kishte dalë për të vrapuar.

“Mendova se bëhet fjalë për trupin e një qeni”, ka thënë ajo në polici.