Cikloni “zhduk” fshatrat

Një ciklon i fuqishëm ka “fshirë tërësisht” fshatrat në Mozambik, sipas një zyrtari të OKB-së.


Gemma Connell, kreu i Zyrës Rajonale për Bashkërendimin e Çështjeve Humanitare (OCHA), tha se dukej nga ajri sikur zonat ishin “punuar nga një buldozer”.

Cikloni Kenneth goditi vendin me erëra 220km/h rreth një muaj pasi cikloni Idai vrau qindra persona dhe shkatërroi zona të mëdha.

Në një video të postuar në Tëitter pas fluturimit mbi zonën e prekur, zonja Connell u zotua të punojë me autoritetet lokale “për të pajisur njerëzit me furnizimet që u nevojiten”.

“Moti është ende i keq, bie shi. Por fatmirësisht erërat kanë ndaluar.”

Sakaq dëmtimi i linjave të energjisë në pjesë të Mozambikut të veriut po e bën komunikimin të vështirë.

Pothuajse 20,000 njerëz kanë marrë strehim në qendrat e improvizuara për zhvendosjen e popullsisë, përfshirë shkollat dhe kishat.

Një zëdhënës i OKB tha se një total prej pesë personash kanë vdekur, duke cituar qeverinë e Mozambikut.

Më herët u raportuar se një person ishte vrarë nga cikloni. Viktima u zu poshtë nga një pemë. Cikloni Kenneth shkaktoi vdekjen e tre personave në ishullin e Komoros.

Mozambiku ishte duke u trajtuar nga cikoni Idai që vrau më shumë se 900 persona në tre shtete në mars.