Demonstruesit përleshen me policinë në protestën kundër maskave, vaksinave dhe masave kufizuese të COVID-19 në Londër

Qindra protestues që pretendojnë se COVID-19 ishte një mashtrim dhe organizimi nën një banderolë anti-vaksinimi morën pjesë në tubim në Sheshin Trafalgar.


Disa prej të cilëve u përfshinë në shpërthime dhune ndaj oficerëve, njoftoi Policia Metropolitane, shkruan Sky News – transmeton Reporteri.net.

Dhjetëra oficerë – përfshirë disa me kalë – u përpoqën të prishnin demonstratën, por ata u rezistuan nga radhët e protestuesve që formuan bllokada.

Kishte brohoritje të mëdha teksa disa protestues shtynë policinë, sipas agjencisë së lajmeve të Shoqatës së Shtypit.

Në një deklaratë, Scotland Yard tha se pavarësisht oficerëve që u përpoqën të shpjegonin, angazhoheshin dhe inkurajonin protestuesit të largoheshin nga tubimi, shumë mbetën duke vënë veten dhe të tjerët në rrezik.

Si rezultat, policia tha se do të ndërmerrte veprime zbatimi për të shpërndarë ata që mbeten në zonë – duke paralajmëruar se ata që mbetën po paraqisnin rrezik për veten dhe të tjerët dhe mund të arrestoheshin.

The Met njofton se u bënë  një total prej 32 arrestimesh për vepra penale duke përfshirë çrregullimin e dhunshëm, rendin publik dhe sulmin ndaj një punonjësi të urgjencës, si dhe sipas rregulloreve COVID-19.

Dy oficerë policie pësuan lëndime të lehta, njofton Policia Metropolitane.

Kryeministri britanik po e shqyrton mundësinë e shtrëngimit të masave pas rritjes së numrit të rasteve të reja të coronavirusit.

Të shtunën u regjistruan 4,422 raste të infektimeve dhe 27 viktima. Në Skoci u shënuan 350 raste të reja, që është shifra më e lartë nga maji, 212 raste në Uells dhe 222 në Irlandën Veriore.  /Reporteri.net