Fotografia që ka mahnitur rajonin: Besimtarët ortodoksë serbë ia festojnë ditëlindjen Myftiut brenda Manastirit

Se bashkëjetesa përkundër dallimeve fetare e etnike është e mundur e shpjegon më së miri rasti në vazhdim.


Në manastir nga udhëheqësit ortodoksë, është festuar ditëlindja e Myftiut, udhëheqësit të Bashkësisë Islame.

Rasti ka ndodhur në manastirin e Zhitomislliqës, në Mostar të Bosnjë dhe Hercegovinës, transmeton Reporteri.net.

Në pamjet e publikuara shihet se myftiu Salem Dedoviq është befasuar nga besimtarët ortodoksë serbë me një tortë për ditëlindje.

Saradnja predstavnika Srpske pravoslavne crkve i Islamske zajednice u Mostaru je na jako visokom nivou. To potvrđuje i činjenica da je muftiju u manastiru čekalo rođendansko iznenađenje.

Gepostet von Top Portal am Montag, 8. April 2019

Mostari që njihet si njëri prej qyteteve më të bukura evropiane, ka qenë simboli i bashkimit dhe unitetit para luftës në Bosnje-Hercegovinë që u zhvillua mes viteve 1992-1995. Por, qyteti u bë skenë e luftimeve të ashpra mes boshnjakëve dhe kroatëve dhe në këtë mënyrë u shndërrua në simbolin e ndasisë.

Ky qytet ka qenë gjithmonë në qendër të problemeve ndëretnike midis serbëve, boshnjakëve dhe kroatëve.

Mirëpo, me sa duket marrëdhëniet midis Kishës Ortodokse Serbe dhe Bashkësisë Islame janë përmirësuar dukshëm kohëve të fundit. /Reporteri.net.