Gazetari disident iranian Rouhollah Zam është dënuar sot me vdekje, disa muaj pasi është kapur nga inteligjenca e Iranit në rrethana ende të paditura.

Zam u shpall fajtor për “korrupsion në tokë” tha zëdhënësi gjyqësor Gholam Hossein Esmaeili, duke iu referuar akuzës që nuk specifikon ndonjë krim por shpesherë përdoret si sinonim i tentativës për përmbysje të qeverisë.

Zam drejtonte agjencinë opozitare të lajmeve Amad News, për të cilën Teherani thotë se ka nxitur dhunë gjatë protestave të dhunshme të viteve 2017-2018.
Por Zam, i cili u arrestua vitin e kaluar, ka jetuar prej kohësh në France. Rrethanat se si apo ku ai u ndalua, mbeten mister.

Ministria e jashtme franceze thotë se Zam ka dalë nga vendi më 11 tetor.

Tre ditë më pas autoritetet iraniane njoftuan arrestimin e tij në një operacion që ata përshkruanin si “shmangie të shërbimeve të huaja të inteligjencës për sjelljen e Zam në Iran”.

Organizata Reporterët Pa Kufij pretendojnë se gazetari “ilegalisht është marrë peng dhe është arrestuar”.

Irani akuzon se Zam se ka punuar me inteligjencën franceze e izraelite.

Pas arrestimit të tij, autoritetet iraniane publikuan një video ku shihet Zam në një makinë me syze të errëta, duke folur në kamera për të kërkuar ndjesë për veprimet e tij.