Shefja e politikës së Jashtme të BE-së, Federica Mogherini vëren me shqetësim një rritje të presionit ndaj gazetarisë së lirë dhe të pavarur. E pikërisht në këtë situatë, Bashkimi Europian – sipas saj, – e ripohon vendosmërinë për të mbrojtur lirinë e medies brenda kufijve të bllokut dhe në mbarë botën.
“Demokracia e shëndetshme mbështetet në një debat publik të hapur, të lirë e të ndershëm dhe është detyra jonë ta mbrojmë këtë hapësirë”, vazhdon deklarata.
Dita Botërore e Lirisë së shtypit u shpall nga Asambleja e Përgjithshme e OKB-së në dhjetor të 1993-shit, pas rekomandimit të Konferencës së Përgjithshme të UNESCO-s. Indeksi botëror i lirisë së medies 2019, i publikuar më 18 prill nga “Reporterët pa kufij” tregon sesi në nivel botëror urrejtja ndaj gazetarëve ka degjeneruar në dhunë, duke kontribuuar në rritjen e frikës.