NATO këtë vit do të pranojë hapësirën si territor, ku luftërat mund të zhvillohen, shkruan agjencia e lajmeve Reuters, duke u bazuar në burime të brendshme.

Sipas Reuters, vendimi i NATO-s do të kushtëzohet pjesërisht nga ideja e Presidentit të SHBA-ve, Donald Trump për të formuar task forcën hapësinore të ushtrisë dhe për të dëshmuar se aleanca mbetet e rëndësishme, transmeton Reporteri.net.

Vendimi zyrtar pritet të mirret në Samitin e NATO-s, më 3 dhe 4 dhjetor në Londër, ku pritet të marrë pjesë edhe presidenti Trump.

Reuters shkruan, se në rast se vendimi miratohet, hapësira do të futet në mesin e zonave të luftës, ashtu si edhe toka, deti, ajri ose hapësira kibernetike. /Reporteri