Nëna e njërit nga viktimat e sulmit në Christchurch, Zelandë të Re, ka vdekur si pasojë e sulmit të zemër vetëm pak orë pas varrimit të djalit të saj.
Saud Abdelfattah Mhaisen Adwan po thuhet se vdiq për shkak të pikëllimit nga vdekja e djalit të saj, Kamel Darwish, në sulmin terrorist në Zelandë të Re, ku mbetën të vdekur 50.
38-vjeçari ishte shpërngulur në Christchurch nga Jordania gjashtë muaj më parë dhe po priste ardhjen e gruas dhe tre fëmijëve të tij.
Vëllai e kishte bindur atë që të shpërngulej në Zelandë të Re, i cili kishte jetuar atje që nga viti 2007 dhe i kishte thënë se Zelanda është një “vend i sigurt për t’i rritur fëmijët”.
Por, ai u qëllua bashkë me 49 njerëz të tjerë në xhamitë e Zelandës së Re më 15 mars. Ishte planifikuar që ai të varrosej të premten, por nëna e tij pësoi sulm në zemër dhe vdiq gjatë natës, thuhet sipas një njoftimi zyrtar të Ambasadës së Jordanisë në Sidnej.