Notre Dame do të qëndrojë e mbyllur për 5 ose 6 vjet

Katedralja e Notre-Dame do të qëndrojë e mbyllur për publikun për të paktën pesë ose gjashtë vjet. Këtë gjë e ka pohuar prifti dhe rektori i katedrales.


Ndërkohë, Franca ka hapur një konkurs ndërkombëtar për arkitektët që do të rindërtojnë pjesën shkatërruar nga flakët.

Kryeministri francez Edouard Philippe e njoftoi se: “Qëllimi është t’i japë katedrales një hark të ri të përshtatur me teknikat dhe sfidat e epokës sonë”, tha ai në një konferencë për shtyp.

Të paktën 800 milionë euro janë mbledhur deri më tani nga kompanitë dhe filantropët më në zë të Francës, për rindërtimin e katedrales.

Ministri i Kulturës Franc Riester, ka garantuar që “shteti do bëjë atë që duhet”. Kambanat e të gjitha katedraleve të Francës do të kumbojnë sot rreth orës 18:50, në shenjë solidariteti me fatkeqësinë dhe si simbol i bashkimit kombëtar.