Dhjetëra persona vdiqën e pothuajse gjithçka përreth u shkatërrua.
Qyteti al-Bab në veri të Sirisë u alarmua të shtunën nga shpërthimi i një veture bombë. Për numrin e të vrarëve ka dilema derisa Vëzhguesi Sirian për të Drejtat e Njeriut raportoi se 14 persona, përfshirë nëntë civilë janë vrarë, një qendër mediale njoftoi se aty mbetën të vdekur 12 njerëz.
Në anën tjetër Ministria e Mbrojtjes e Turqisë tha se numri i viktimave është 18 dhe për këtë sulm i fajësoi luftëtarët kurdë, të njohur si Njësitet e Mbrojtjes së Popullit
Kjo situatë erdhi pas fillimit të ofensivës ushtarake nga forcat turke kundër luftëtarëve kurdë. Luftimet u ashpërsuan pas tërheqjes së forcave amerikane nga brezi kufitar mes Sirisë dhe Turqisë.
Ndryshe, tri vetura bombë shpërthyen të hënën dhe gjashtë njerëz u vranë në një qytet afër kufirit me Turqinë.
Një shpërthim i ngjashëm në të cilin humbën jetën 13 njerëz, ndodhi edhe më 2 nëntor, në po të njëjtin qytet.
https://www.youtube.com/watch?v=aIOSpJE28ZA&feature=emb_title