Policia ka konfirmuar se një person i armatosur ka shtënë me armë brenda kampusit universitar të Universitetit të Karolinës së Veriut në Charlotte, që numëron rreth 30 mijë studentë.
Një person i dyshuar ka shtënë me armë zjarri në Universitetin e Karolinës së Veriut në Charlotte, të martën, duke lënë të vrarë dy persona dhe ka plagosur disa të tjerë, njoftojnë mediat amerikane.
I dyshuari është kapur nga Policia, përcjell Reporteri.net, raportimet e mediave lokale.
Ngjarja ndodhi rreth orës 17:45, sipas kohës lokale në SHBA.
Për viktimat e plagosura nuk jepen detaje për gjendjen e tyre shëndetësore.
Bëhet e ditur se identiteti i të dyshuarit nuk është identifikuar ende, shkruan Reporteri.net.
Njoftim për ngjarjen ka dhënë edhe universiteti brenda kampusit të së cilit ndodhi rasti. Ata thonë se pjesa tjetër e studentëve dhe stafit mbeten të sigurt.
Pamjet nga vendi i ngjarjes tregojnë se zona është evakuar nga Policia dhe autoritetet tjera të sigurisë.
Universiteti i Karolinës Veriore në Charlotte numëron rreth 30 mijë studentë. /Reporteri.net/.