Vdes nga Covid një 19 vjeçare në Maqedoni

Ka ndërruar jetë pacientja më e re në Kovid-qendrën në Manastir, e cila dyshohej që është pozitive me Covid por nuk u testua, raporton Sdk.mk.


“Vajza ndërroi jetë disa orë pas pranimit, u soll në gjendje ekstremisht të rëndë. Ndërroi jetë para se ti merret bris dhe nuk është në mesin e personave që kanë ndërruar jetë si pozitivë me covid”, thotë drejtoresha e Spitalit të Manastirit, Biljana Gagaçovska.

Tani më një vit testime nuk bëhen pas vdekjes, prandaj vajza nuk është në evidencën e personave që kanë ndërruar jetë nga kovid-19. Ajo ka qenë me sindromë Daun.

Në Kovid qendrën në Manastir janë shtrirë gjithsej 134 pacientë, për 24 orë janë pranuar 23 persona, kurse spitalin e kanë lëshuar 11. Kanë ndërruar jetë dy persona në moshë 63 dhe 69 vjeçare