Autoritetet e zgjedhjeve në Turqi kanë vendosur të hënën që të rimbahen zgjedhjet për kryetar të Stambollit duke anuluar zgjedhjet e fundit, që i sollën humbjen partisë së presidentit Recep Tayyip Erdogan, AKP.
Vendimi menjëherë ka sjellë reagimin e Partisë Republikane Popullore që fitoi në zgjedhjet e 31 marsit, raporton Reuters, transmeton Koha.net.
Kjo parti e ka cilësuar plan diktature vendimin për rizgjedhje lokale në Stamboll.
Kujtojmë se sipas të dhënave zyrtare në fund të rinumërimit të votave, kandidati i opozitës Imamoglu, kryesonte me 13 729 vota më shumë ndaj ish-kryeministrit Binali Yildirim.