Një person ka humbur jetën gjatë të shtënave që sot pasdite kanë ndodhur në fshatin Rashçe të Sarajit i banuar vetëm me shqiptarë, raportojnë mediumet maqedonase.
Personi i vrarë raportohet të jetë Sheval Xhika i moshës mbi 60 vjeçare. Dyshimet e para të banorëve janë se mund të bëhet fjalë për hakmarrje. Ai është gjuajtur me kallashnikov nga një veturë në lëvizje. Plagët e marra kanë qenë vdekjeprurëse për të.
Vetura sipas informacioneve të para ka pasur targa bullgare. Nga MPB nuk japin ende detaje zyrtare.