Zjarret kanë kapluar Greqinë

Mediet greke kanë publikuar pamjet e zjarrit të tmerrshëm, që ka “pushtuar” vendin, duke shkrumbuar disa zona dhe rrezikuar jetën e shumë qytetarëve.


Siç shihet nga pamjet, zjarri dhe shtëllungat e tymit kanë mbuluar gjithë ishullin Evia, i cili ndodhet shumë pranë Athinës.

Për shkak të flakëve të mëdha, janë evakuuar disa zona, ndërsa kanë përfunduar në spital në gjendje të rëndë 8 persona, të cilët kanë probleme serioze me frymëmarrjen.

Situata ndodhet jashtë kontrollit, ndaj dhe fqinjët kanë kërkuar ndihmën e vendeve të BE për të parandaluar ndonjë tragjedi të mundshme. Të parët që kanë reaguar kanë qenë Italia dhe Kroacia, të cilat kanë nisur me urgjencë aeroplanë drejt Greqisë.

Një vit më parë, Greqia u përballë me një nga zjarret më shkatërrues që janë parë ndonjëherë, nga të cilët humbën jetën 103 njerëz, mes tyre edhe tre shqiptarë.

Publiée par protothema.gr sur Mardi 13 août 2019