Ushtria austriake paraqiti qenin e parë ushtarak të stërvitur për të zbuluar virusin korona duke nuhatur maskën mbrojtëse të të infektuarve, njoftoi sot Ministria e Mbrojtjes së Austrisë.
Në deklaratën e kësaj ministrie thuhet se qeni belg Fantasy Forever vom Seetalblick po merr pjesë në një program që duhet të zbulojë nëse qentë mund të bëjnë dallimin midis njerëzve të shëndetshëm dhe të infektuar.
Një raport i përkohshëm mbi programin konfirmoi se qeni me të vërtetë mund të njohë maskat e njerëzve të infektuar.
“Faza e parë e kontrollit të qenit po kalon në fazën praktike,” thuhet në deklaratë.
Qeni i dytë aktualisht është duke përfunduar fazën e parë, ndërsa dy qen të tjerë do ta mësojnë këtë aftësi deri në fund të vitit.
Projekti pritet të përfundojë në tremujorin e parë të vitit 2021, para së cilës të gjithë qentë do të kalojnë teste praktike në maskat e të infektuarve.
Ministria e Mbrojtjes dëshiron të bëjë një përfundim nëse është e mundur të përdoren qen në kushte reale, për shembull në aeroporte.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.