Një incident ka ndodhur në një shkollë të mesme në Smederevë të Serbisë. Pasi mësuesi u përpoq ti merrte telefonin nxënësit, ata u përleshën në klasë.

Në videon e realizuar nga një nxënëse e së njëjtës klasë shihet mësuesi që i merr telefonin një nxënësi të vitit të dytë të gjimnazit dhe kthehet në vend.

Përleshja vazhdoi edhe në sekondat në vijim, ku mësuesi dukej tejet i zemëruar nga sjellja e nxënësit, i cili me këmbëngulje tentoi t’i rrëmbejë telefonin që i kishte marrë.

Đak i profesor se rvaju na času u Smederevu pic.twitter.com/ArfhWpnRLc

— Lovac na neke od njih! (@Sabljalo) March 3, 2023

Pasi nxënësi arriti ta kthente telefonin, ai e shtyu edhe një herë mësuesin drejt dërrasës së zezë dhe përfundoi duke u larguar nga klasa.

Në video dëgjohen edhe të qeshurat e nxënësve teksa po zhvillohej përleshja mes mësuesit të matematikës dhe nxënësit.

Autoritetet policore serbe tashmë kanë nisur hetimet rreth rastit.