Kalimtarët mund të shohin dy burra të përqafuar sot në sheshin Cvjetni në Zagreb.

Bëhet fjalë për shfaqjen e “Studio of One Hug” nga Igor Zenzeroviq.

Zenzeroviq do të jetë në përqafim me interpretuesin Bojan Ban për 24 orë dhe kalimtarët mund t’i bashkohen në përqafim.

Kjo nuk është hera e parë që Zenzeroviq e realizon këtë performancë. Në fund të vitit të kaluar, ai përqafoi një serbe, Natasha Milojeviq, në qendër të Beogradit.

“Lajtmotivi i gjithë kësaj është një shpresë, shpresa se diçka që nuk është e errët dhe e vështirë mund të zgjasë. Unë e kam parë punën time për 10 vitet e fundit dhe gjithçka që del është tmerrësisht e zezë, kështu që më duhej diçka që ka një pikë të ndritshme, e cila jep shpresë se diçka mund të ndryshojë”, shtoi ajo, duke theksuar se përshtypjet e qytetarëve ishin jashtëzakonisht pozitive.

“Ajo që vura re është se shumica e kuptuan se ishte një performancë, por pak u ndalën, përveçse për të bërë foto. Unë do t’u thosha se qëllimi i performancës është pikërisht ai që ata konkludojnë, dhe qëllimi im personal është të kem sukses dhe të provoj se një përqafim mund të zgjasë dhe të jetë një qëllim në vetvete, sepse ne jemi larguar tmerrësisht dhe jemi bërë asocialë dhe shumë egoistë. Është një moment i bukur ku vërtet dhe sinqerisht i përkushtohesh dikujt, qoftë një përqafim, një histori, një prekje dhe të mos mendosh se si kalon koha dhe të nxitosh për të bërë diçka për veten, por thjesht të bësh diçka për dikë tjetër”, tha Zenzeroviq.