Në pjesën e bardhë të shalqirit ka sasi të mëdha të citrulinës që reagojnë në enzimat tona. Formohet arginina, e cila ka një efekt të dobishëm në sistemin kardiovaskular dhe forcon qarkullimin e gjakut, thotë nutricionistja kroate, Olja Martinić.

Pjesa e bardhë e shalqirit (lëvorja) përmban sasi të mëdha të vitaminave B6, C, A, magnez, zink dhe kalium. Përmban gjithashtu aminoacid citrulinën, e cila është e shkëlqyeshme për shëndetin e zemrës dhe enëve të gjakut, qarkullimin më të mirë të tij dhe stimulon seks më të mirë, raporton mediumi kroat 24sata.hr.

“Në pjesën e bardhë të shalqirit, ka sasi të mëdha citruline (sipas së cilës shalqiri mori emrin ose anasjelltas) që reagojnë me enzimat tona për të formuar aminoacid argininë, i cili ne e dimë se ka një efekt të dobishëm në sistemin kardiovaskular dhe forcon qarkullimin. Do të duhet të hamë sasi shumë të mëdha të pjesës së bardhë të shalqirit në mënyrë që të kemi të njëjtin efekt si nga Viagra”, shpjegoi Olja Martinić, dietologe dhe nutricioniste në Qendrën e Këshillimit të Ushqimit, “Olja” në Split.

Ajo tha se nga shalqiri mund të bëhen pije që ndikojnë shumë pozitivisht në shëndetin e njeriut.

“Ne shpesh hamë shalqi vetë. Sidoqoftë, njerëzit që janë obezë ose shmangin ushqimet me indeks të lartë glicemik duhet ta përdorin shalqirin si përbërës në një pije dhe të shtojnë arra në pjesën e kuqe me të bardhë për ta përfituar një pije të moderuar të indeksit glicemik. Unë patjetër sugjeroj të përdorni pjesë të shalqirit me cilësi të lartë”, tha ajo.