Ngacmimet seksuale mund të ndodhin kudo: në rrugë, në shtëpi, në lokal, apo edhe në punë. Një 19-vjeçare tregon për “Dear Deidre” të “The Sun” se si shefi nisi ta ngacmonte në punë.

Ja rrëfimi i plotë:

“Javën e kaluar shefi im më kapi tek të pasmet kur isha në kuzhinën e stafit. U tremba aq shumë sa bërtita. Ai më tha të qetësohesha dhe pretendoi se ishte thjesht një ‘shaka’.

Unë jam një vajzë 19-vjeçare dhe kohët e fundit kam filluar të punoj në një zyrë. Shefi im është rreth të dyzetave.

Unë po përpiqem ta shmang atë, por nuk dua të ankohem, sepse nuk dua të humbas punën time.

Ndoshta reagova më shumë seç duhej dhe ajo që bëri ai është një sjellje normale”.

“Dear Deidre” thotë:

“Kjo nuk është shaka, apo sjellje normale. Është ngacmim seksual dhe nuk duhet ta duroni. Shefi juaj nuk po sillet në mënyrë etike dhe ka përfituar sepse e di që jeni e re në punë dhe që nuk keni përvojë. Nëse mund ta përballoni, pyesni kolegët nëse ai ka bërë të njëjtën gjë me ta”.