Kryeministrja e Zelandës së Re, Jacinda Ardern ka zbuluar sot kabinetin e saj, ku në të bën pjesë edhe një ministër me një tatuazh Maori në fytyrë.

Nanaia Mahuta ka në mjekër një moko kauae, tatuazh tradicional femëror, që e ka bërë në vitin 2016. Deputetja në atë kohë shpjegoi se e bëri këtë tatuazh për të nderuar paraardhësit e saj dhe për të hequr paragjykimet mbi kulturën Maori, të cilën shumë zelandezë e lidhin me krimin dhe bandit.

Ardern fitoi zgjedhjet për të marrë një mandat të dytë, duke theksuar se prioritetet e saj do të jenë përgjigjja ndaj Covid-19 dhe ri jetësimi i ekonomisë.