Motrat binjake 25-vjeçare Venessa dhe Kerissa, të cilat punojnë si trajnere personale ishin gjithmonë të afërta me njëra tjetrën. Një mik i tyre i përbashkët i prezantoi me dy binjakë beqarë dhe të dy palët patën një tërheqje të menjëhershme.

“Unë dhe motra ime u rritëm si mikesha të mira dhe ishin gjithmonë pranë njëra tjetrës. Askush nuk na njeh si e njohim ne veten. Kemi një lidhje të veçantë me njëra tjetrën. Por nuk e kishin imagjinuar kurrë se do të dashuroheshim me dy binjakë”, shprehet Vanessa.

Ato u takuan me dy vëllezërit 29-vjeçarë Jacob dhe Lucas Sealby në qershor të vitit të kaluar në qytetin e tyre të lindjes në Medford, Oregon, SHBA. Pas tre muajsh lidhje të katërt vendosën të hidhnin një hap në lidhjet e tyre dhe vendosën të jetonin bashkë.

Të katërt kalojnë shumë kohë bashkë dhe shfaqen jo pak herë në publik duke tërhequr vëmendjen e njerëzve që magjepsen nga historia e tyre e veçantë. “Na kanë thënë se është sikur të shohim dy herë të njëjtin çift”, shpjegoi Vanessa.