Ny Anstalt është një burg që nuk ka lidhje aspak me burgjet e tjerë kudo nëpër botë. Kjo godinë në Groenlandë ndodhet në anë të malit Sermitisiaq dhe nuk ngjan fare me një vend ku vuajnë dënimin kriminelë të rrezikshëm.

Objektivi i këtij burgu është që të jetë një “vend më njerëzor”. Të paktën kështu thonë drejtoresha e projektit, Jette Birkeskov Mogenson, dhe arkitekti Thomas Tuus Christensen.

Në fakt, Ny Anstalt i ngjan më shumë një resorti skish sesa një burgu. 76 qelitë e tij janë nga 12 metra katrorë dhe nuk kanë hekura në dritare.

40 prej qelive janë të rezervuara vetëm për kriminelët shumë të rrezikshëm, ndërsa 36 të tjerat janë për të burgosurit që gjatë ditës dalin për të punuar në qytetin Nuuk dhe natën kthehen të flenë në qeli.