Eksperti i marketingut, Scott Baggaley nga Anglia e rinovoi vetë shtëpinë e tij dhe pretendon se ka kursyer 40,000 euro në këtë proces, raporton Daily Mail.

Punimet zgjatën gjashtë muaj dhe Scott thotë se mësoi gjithçka nga udhëzimet e videove në YouTube, transmeton Reporteri.

“Meqenëse të gjithë punëtorët e ndërtimit ishin të zënë, fillova të mësoja për ndërtimet në YouTube dhe kështu fitova aftësitë në ndërtim. Kur fillova të rindërtoj çatinë, në fillim ishte jashtëzakonisht e vështirë. Kisha frikë të ngjitesha në çati sepse e kisha të paqartë se çfarë po bëja”, tha ai. 30-vjeçari Scott, gjithashtu ftoi inspektorët e ndërtimit për t’u siguruar që ajo që po bën është në përputhje me ligjin.

“Gjëja më e vështirë në këtë proces…”

Ai tha se problemi më i madh ka lindur kur aksidentalisht ka thyer betonin dhe ka goditur një tub, për këtë arsye është dashur të ndërpresë punën dhe të riparojë të gjithë sistemin.

Kombinimi i punëve të zyrës, të cilat i bëj çdo ditë nga ora nëntë deri në pesë, dhe detyrimeve që vijnë me lindjen e djalit tim, me ndërtimin e kësaj shtëpie ishte gjëja më e vështirë në këtë proces”, tha ai.

Ai pretendon se në fund ka shpenzuar 12 mijë euro për renovimin e shtëpisë.