A njihni dikë që s’e pëlqen cheecake-un? Vështirë të gjesh. Lajmi i mirë është se një variant të tij mund ta bëni vetë në shtëpi me shumë pak përbërës. Do t’ju marrë më pak kohë se ç’mendoni.

4 përbërësit:

– 75 gram biskota të thjeshta me çokollatë, të thyera në copa

– 1 portokall

– 250 g krem djathi, në temperaturë dhomë

– 60 ml (1/4 filxhani) qumësht i kondensuar, i ëmbël

*Shtoni përbërësit në proporcion të drejtë, sipas sasisë që mendoni të gatuani. Sasia më lart shërben për 4 gota të vogla.

Përgatitja:

1. Grini biskotat në thërrime të imëta. Vendosni në enë, tas.

2. Grini imët lëvoren e gjysmës së portokallit. Gjysmën tjetër prijeni hollë për të dekorurar cheesecake-un. Portokallin shtrydheni.

3. Bëni bashkë kremin e djathit, qumështin e kondensuar, lëkurën e portokallit dhe 2 lugë gjelle lëng portokalli – Vendosini në mikser derisa të jetë krijuar një masë e njëtrajtshme.

4. Ndajeni përbërjen në disa gota. Vendosni shtresën me biskota sipër. Pastaj lëkurën e mbetur të portokallit. Vendosini në frigorifer për rreth 1 orë.