Qentë e luftimit vihen përballë derrave të egër në Indonezi, aty ku ky sport është një nga më të preferuarit e banorëve.

Qindra spektatorë mblidhen në arenat e paligjshme dhe vendosin baste që shkojnë deri në 100 euro për pit bullin e tyre të preferuar.

“Adu bagong”, ky sport i përgjakshëm, është ndaluar me ligj nga guvernatori Ahmad Herywan në vitin 2017, por kryetarët e komunave bëjnë një sy qorr dhe lufta qen-derra vazhdon si gjithmonë.

Kjo traditë në Indonezi ka lindur në vitet ’60, kur derrat e egër u shtuan shumë dhe fermerët nisën të përdornin qentë për të ruajtur arat.