Zjarrfikësit kanë arritur ta shpëtojnë një 82-vjeçare, e cila kishte rrëshqitur dhe kishte përfunduar jashtë rrethojës së ballkonit e varur në litarët ku i thante rrobat.

Gruaja e moshuar qëndroi e varur me kokë poshtë e këmbët lart, në ballkonin e katit të 19-të të apartamentit të saj në Yangzhou të provincës kineze Jiangsu.

Këmba e saj ishte lidhur në litarët ku i thante rrobat, kështu ekipet e shpëtimit dhe zjarrfikësit u detyruan të zbresin një kat më poshtë për ta futur brenda.

Për fat të mirë gjithçka ka kaluar pa ndonjë problem.