Sezoni në Mal të Zi nuk ka përjetuar kurrë një rënie  të tillë, për shkak të pandemisë së koronavirusit dhe mbylljes së kufijve.

Këtë e tregojnë edhe fotot nga plazhet nga ky vend që gjatë kësaj kohe, në rrethana të tjera do të “vlonte” nga  njerëzit, transmeton Reporteri.

Kështu, për shembull, në fotografitë e publikuara në media, plazhi Bleçiq është plotësisht i zbrazët, dhe gjithçka është plotësisht e shkretë.

https://www.facebook.com/p.vremeplov/photos/a.1340217999459537/1674210696060264/?type=3

Vendasit ankohen se pothuajse asnjëherë situata nuk ka qenë e tillë, gjersa pronari i një kafeneje u ankua se fitoi vetëm një euro në ndërrimin e parë.

Kujtojmë se, sipas ndryshimeve të fundit, qytetarët e Kosovës që hyjnë në Mal të Zi do të duhet të karantinohen për 14 ditë, kështu që, të paktën për sa i përket turistëve tanë, me siguri nuk do të ketë vizitorë në plazhe për ca kohë.

Megjithatë, askush nuk mund të parashikojë se si do të jetë fundi i sezonit sepse dita-ditës, për shkak të pandemisë, veçanërisht në vendet e rajonit, vendimet e autoriteteve po ndryshojnë dhe po merren masa për ndalimin e përhapjes së virusit.

https://www.facebook.com/p.vremeplov/photos/a.1340217999459537/1674210749393592/?type=3