Kompania ‘Timak’ ka prezantuar prototipin e makinës së parë të blinduar ushtarake, të prodhuar në Shqipëri. Emri i veturës së parë të tillë është ‘Shota’.

Ishte ministri shqiptar i Mbrojtjes, Niko Peleshi, ai i cili para tri javësh pati thënë se ekipi i ‘Timakut’ përbëhet nga një ekip që ka 75 për qind vajza të reja. Sipas njoftimit të tij, kjo kompani eksporton makina në 20 shtete të botës.

“SHOTA, automjeti i parë ushtarak shqiptar, lindur nga zemra e kombit tonë dhe krijuar nga forca e grave të jashtëzakonshme. E fortë, sypatrembur, krenare – SHOTA mishëron frymën e inovacionit dhe fuqizimit”, thuhet në përshkrim të videos.