Lizi Velasquez, edhe kur erdhi në jetë, nuk dukej si të gjithë fëmijët e tjerë. Në lindje ishte vetëm 900 gram dhe menjëherë ishte e qartë se diçka nuk ishte në rregull.

Qysh si foshnjë ajo kishte një diagnozë trishtuese – sindromi Marfan, një gjendje në të cilën trupi nuk mund të marrë dhe as të grumbullojë yndyrë. Përveç peshës, ajo plaket jashtëzakonisht shpejt dhe është e verbër në njërin sy.

Për shkak të këtyre fakteve, ajo është përqeshur më shumë se që mund ta merrni me mend. Njerëzit e quanin fëmija më i shëmtuar në botë. Fëmijët ia përplasnin në fytyrë se është e “neveritshme”, transmeton Reporteri.net.

Në një intervistë për “Daily Mail”, ajo kishte deklaruar se si fëmijë nuk e kishte kuptuar se ishte ndryshe nga të tjerët dhe se mendonte se të gjithë fëmijët janë ashtu.

Gjërat u përkeqësuan kur në moshën 16 vjeçare, hapi një profil në internet. Njerëzit filluan t’i shkruanin se do të ishte më mirë që ta vriste veten.

Video ku ajo ofendohej u bë aq e shikuar, saqë Lizi ra në depresion. Mirëpo nuk u dorëzua, ajo shfrytëzoi popullaritetin që kishte fituar në YouTube duke e kthyer atë në avantazhin e saj. Ajo sot është një folëse motivuese dhe me krenari shfaq pamjen e saj./Reporteri.net

L