14 Shkurti tashmë është bërë datë në të cilën pothuajse e gjithë bota, e shënon si dita e të dashuruarve. Edhe shqiptarët tashmë e kanë futur këtë datë në listën e festave private të tyre.

Sot është dita e të dashuruarve, dhe shumë çifte shkëmbejnë dhurata, për të u dëshmuar sa më romantik te partneri i tyre. Por, cili është qyteti më romantik shqiptar.
Valon Kerolli, ekspert i rrjeteve sociale përmes disa hulumtimeve në internet, ka nxjerr disa statistika, të cilat qytetin e Beratit e nxjerrin në krye të kësaj liste.

Ai qytetin e Beratit e përshkruan si Parisi i shqiptarëve.

“Sapo dëgjojmë të flitet për qytete romantike në botë, mendja menjëherë na shkon tek Parisi! Por pasi që jemi në ditën e të dashuruarve atëherë kemi shikuar trendin e kërkimeve në Google nga shqiptarët për këtë ditë, dhe nëse i referohemi këtyre kërkimeve del që Berati është qyteti më romantik shqiptar!”, ka shkruar Kerolli.