Një studim i ri në Kinë zbuloi se macet mund të infektohen nga coronavirusi SARS-CoV-2 që shkakton sëmundjen Covid-19.
Për më tepër, macet mund të infektojnë njëra-tjetrën, pa shfaqur asnjë simptomë, shkruan CNN.
Sidoqoftë, nuk ka asnjë provë që kafshët mund të sëmuren rëndë dhe të vdesin nga coronavirusi.
Qentë nga ana tjetër, nuk ndikohen nga virusi. Virusi u gjet në feçet e pesë qenve, por nuk ishte infektiv. Derrat, pulat dhe rosat gjithashtu nuk preken.
Sipas ekspertëve, nuk duhet të trembeni nga kafshët shtëpiake pasi provat e kryera në laborator kanë pak deri në aspak gjasa të përsëriten në natyrë.
Skenari i përdorur nga shkencëtarët është tërësisht jorealist. Ata aplikonin doza jashtëzakonisht të larta virusi në hundët e maceve 8-muajshe dhe macet në shtëpitë tona apo në natyrë nuk do të ekspozoheshin kurrë ndaj asaj sasie.
Pra, kemi të bëjmë me një rrethanë artificiale që s’përsëritet në realitet.
Cronavirusi SARS-CoV-2 është goxha i ngjashëm me SARS-Cov, i cili u përhap në vitet 2002-20004 dhe shkaktonte një sëmundje vdekjeprurëse të quajtur SARS.
E njëjta gjë ndodhi dhe asokohe. Shkencëtarët zbuluan se macet mund të infektoheshin me SARS-CoV, por nuk ua transmetonin maceve të tjera apo njerëzve. Gjasat janë që e njëjta gjë vlen dhe për pandeminë e tanishme.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.