Policia e Las Vegasit dhe FBI po hetojnë një zjarr në një ekspozitë Tesla si një akt të mundshëm terrorizmi. Hetimi përfshin të paktën tri incidente të tjera që ndodhën që nga janari, kur koktej molotovi u hodhën në objektet e Teslas në Oregon, Kolorado dhe Misuri, raporton The Guardian.

Gjatë natës të së martës, disa automjeteve Teslas u dogjën në Las Vegas pasi kamerat e sigurisë kapën një person të veshur me të zeza duke hedhur koktej molotovi mbi automjetet rreth orës 2:45 të mëngjesit.

Në momentin e mbërritjes, efektivët zbuluan disa automjete të djegura, si dhe fjalën “rezistencë” të shkruar në derën e përparme të biznesit. Të paktën pesë automjete Tesla u dëmtuan, me dy prej që  u përfshinë nga flakët, tha Dori Koren, një zëvendës sherif në Departamentin e Policisë Metropolitane të Las Vegasit.

Ata thanë se i dyshuari qëlloi gjithashtu tri herë në automjetet e parkuara. Sherifi tha se incidenti ishte një “sulm i synuar” në një objekt të Tesla-s, pa asnjë kërcënimi publik.

Spencer Evans, një agjent special në Njësinë Kundër Terrorizmit të FBI-së, tha në një konferencë për shtyp se incidentet fillimisht po hetoheshin si zjarrvënie, por tani po konsiderohen akte të mundshme terrorizmi.

“Ishte terrorizëm, ishte diçka tjetër? Sigurisht që ka disa karakteristika që mund të na bëjnë të mendojmë kështu. Shkrimi në mur, një akt dhune, një axhendë e mundshme politike. Asnjë nga këta faktorë nuk është jashtë diskutimit për ne,” shpjegoi Evans.

Elon Musk , CEO i kompanisë, i quajti incidentet një akt terrorizmi në një postim në Platformën X. Ai gjithashtu fajësoi për të gjitha “të majtët e zgjuar”. /Reporteri.net/

This level of violence is insane and deeply wrong.

Tesla just makes electric cars and has done nothing to deserve these evil attacks. https://t.co/Fh1rcfsJPh

— Elon Musk (@elonmusk) March 18, 2025