Klientët në një nga këto studiot në Lviv përfshijnë ushtarët ukrainas që nisen për luftë kundër Rusisë, raporton BBC.

Ata kanë zgjedhur simbole të ndryshme për t’i vënë në trup. Dikush bën tatuazh flamurin ukrainas, ngjyrat kaltër e verdhë, simbolet ukrainase, 13 ushtarët e ishullit që janë kthyer në simbolikë për Ukrainën, dikush ka zgjedhur një ari e dikush edhe shqiponjën si simbole të fuqisë dhe fitores.

Një nga të rinjtë i cili po nisej në frontin e luftës, tha se tatuazhi, shkruarja e një poezie e kënge, “janë të gjitha mënyra të shprehjes së emocioneve”.

Kjo studio po dërgon 30% të të ardhurave për ushtrinë. Përveç studios, ka edhe një ekip mobil i cili lëvizë nëpër terren edhe tani në kohë lufte.