Kreu i AAK-së Ramush Haradinaj, ka shprehur ngushëllime për vdekjen e të paktën 59 personave në tragjedinë e Koçanit në Maqedoninë e Veriut.
Haradinaj ka thënë se lajmi për këtë tragjedi ishte tronditës.
Postimi i tij:
Tronditës lajmi për tragjedinë në Koçan të Maqedonisë së Veriut!
Ngushëllime të sinqerta familjeve që humbën më të dashurit e tyre. Të lënduarve shërim të shpejtë.
Qëndrojmë pranë popullit të Maqedonisë së Veriut në këtë ditë të rëndë për ta!
Ish-sekretarja shtetërore e ministrisë së Ekonomisë, është njëra ndër të ndaluarat në lidhje me tragjedinë në Koçan
Bëhet fjalë për Razmina Çekiç nga LSDM, e cila sipas ministrit të Punëve të Brendshme, Pançe Toshkovski, e njëjta ka falsifikuar licencën për punë dhe licenca që i është dhënë vitin e kaluar ka skaduar, por e njëjta ka nënshkruar licenca të falsifikuara.
Në lidhje me ngjarjen e rëndë ku vdiqën 59 persona dhe u plagosën 155 të tjerë, qeveria e Maqedonisë së Veriut shpalli shtatë ditë zie.
Reagime të shumta ka pasur edhe nga liderët e vendeve të rajonit dhe Evropës.
Po ashtu ka reaguar edhe Papa Françesku, i cili ka shprehur ngushëllimet për familjarët e viktimave.
Prokurori publik i shtetit Ljupço Kocevski theksoi se prokurorët publikë sot kanë inspektuar diskotekën “Puls” në Koçan dhe janë konstatuar shumë parregullsi.
Kocevski tha se është zbuluar se objektit i mungon rrjeti hidrant, numri i pamjaftueshëm i aparateve për fikjen e zjarrit, numri i mjaftueshëm i dyerve dhe çatia rezistente ndaj zjarrit dhe se objekti ka qenë i destinuar për industri të lehtë, e jo për hoteleri.
“Kam formuar një ekip prokurorial, i përbërë nga dy prokurorë nga Shkupi, dy nga Prokuroria Publike në Koçan dhe një nga Shtipi, me sugjerim që gjatë ditës të punësohet një tjetër nga Prokuroria Publike në Shtip. Janë ndërmarrë një sërë aktivitetesh, me urdhër të prokurorit publik për autopsi të të ndjerit”.
“U urdhërua arrestimi i çdo personi, veprimet apo mosveprimet e të cilit çuan në ngjarje dhe hetimin e rolit të tyre. Ekziston një urdhër për të ekzaminuar një sërë artikujsh. Është lëshuar propozimi për dhënien e urdhrave për sekuestrimin e përkohshëm të filmimeve të kamerave të sigurisë në Gjykatën Themelore të Koçanit. U dha urdhër për sekuestrimin e dokumentacionit nga diskoteka. Gjithashtu urdhër bastisje për një shtëpi dhe objekte të tjera në Koçan”.
“Një këqyrje në vend është bërë nga prokurorët publik dhe ende nuk ka përfunduar, do të vazhdojë nesër. Do të angazhoj edhe 3-5 prokurorë publikë nga Prokuroria Publike e Shkupit, sepse është një rast kompleks dhe do të duhet të hetohen edhe shumë gjëra të tjera. Nga këqyrja e sotme në vendngjarje e objektit janë konstatuar këto kushte:
-Objekti nuk kishte rrjet hidranti apo hidrant
-Nuk kishte një numër të mjaftueshëm të pajisjeve PPE, pra vetëm dy
-Nuk kishte dyer të mjaftueshme, por përveç hyrjes kishte vetëm një derë të vetme të improvizuar nga mbrapa, por ishte e mbyllur me dry dhe pa dorezë nga brenda dhe e mbyllur me karton gipsi.
-Nuk kishte mundësi aksesi për automjetet PPE. Pjesa e brendshme e objektit ishte kartoni gipsi, por pa veçori rezistente ndaj zjarrit. Nuk kishte tavan të varur me rezistencë ndaj zjarrit të paktën 30 minuta. Nuk kishte sistem frenimi të dyerve, as sistem alarmi zjarri.
-Ai ishte gjithashtu i veshur në mënyrë të papërshtatshme me materiale izoluese të zërit, me materiale lehtësisht të ndezshme.
– Materialet piroteknike janë përdorur në mënyrë të paligjshme pa leje përkatëse, dhe pa kompani për ndezjen e mjeteve piroteknike.
-Ishin të pranishëm edhe Inspektorati Shtetëror i Ndërtimtarisë dhe Urbanistikës. Objekti është i regjistruar si objekt afarist industrial i lehtë prej 419 metrash katrorë. Nuk është bërë asnjë shndërrim në objekt hotelierie. Përkundër faktit se objekti nuk ka ndërrim, ai ka leje operimi nga Ministria e Ekonomisë si objekt katering, të lëshuar para 15 viteve”, tha Kocevski.
Ministri i Brendshëm i Maqedonisë së Veriut, Pançe Toshkovski, ka thënë se diskotekës “Pulse” ku ndodhi tragjedica në Koçan i është dhënë licensa me korrupsion e ryshfet.
“Licensa e punës së disktotekës “Pulse” që mori flakë dhe si pasojë la të vdekur 59 persona dhe qindra të tjerë të plagosur në Koçan të Maqedonisë së Veriut, është marrë përmes ryshfetit dhe korrupsionit”, ka deklaruar ai.
Siç e citoi media maqedonase “Meta”, Toshkovski ka refuzuar të jep detaje më të hollësishme për të mos dëmtuar hetimet të cilat “janë në fazë të hershme”.
“Nuk zbuloj më shumë detaje se jemi në një fazë shumë të hershme të atij hetimi. Dhe kjo licencë, si shumë gjëra të tjera, ka të bëjë me ryshfet dhe korrupsion. Për dallim nga më parë, në këtë rast përgjegjësit kanë emër dhe mbiemër që janë të përfshira në dhënien e paligjshme të licencave dhe do të përgjigjen”, theksoi Toshkovski.
Në diskotekën “Pulse” që dikur kishte qenë një depo qilimash në Koçan të Maqedonisë së Veriut, mbrëmë gjetën vdekjen 59 të rinj, ndërsa deri tani raportohen të jenë 155 të tjerë të lënduar, shkruan Gazeta Online Reporteri.net.
Qeveria maqedonase për këtë tragjedi sot mori vendim që të shpall 7 ditë zie, kurse Hristjan Mickoski, kryeministër i Maqedonisë së Veriut, në një konferencë për media pas tragjedisë së madhe në Koçan tha se do të ketë hapa dhe vendime me të cilat publiku nuk është mësuar.
Për tragjedinë e rëndë kanë reaguar edhe krerët e institucioneve të Republikës së Kosovës, presidentja Vjosa Osmani, kryeministri Albin Kurti e kryekuvendari Glauk Konjufca, shkruan Reporteri.net.
Presidentja Vjosa Osmani përmes rrjetit social, X, shprehu ngushëllime për viktimat dhe të gjithë popullin e Maqedonisë së Veriut.
“Lajm shkatërrues nga Koçani, Maqedonia e Veriut. Humbja e shumë jetëve të reja është një tragjedi që nuk mund të thuhet. Ne shprehim ngushëllimet tona më të sinqerta dhe qëndrojmë pranë familjeve të viktimave dhe gjithë popullit të Maqedonisë së Veriut në këtë kohë të vështirë. Ju jeni në mendimet dhe lutjet tona”, shkroi Osmani.
Kryeministri Albin Kurti, ka thënë se institucionet e Kosovës janë të gatshme dhe të vullnetshme që të ndihmojë në çdo mënyrë të mundshme Maqedoninë e Veriut, pas tragjedisë që ndodhi në Koçan, ku zjarri që shpërtheu brenda një klubi të natës, mori jetën e 59 të rinjve dhe të rejave.
Nëpërmjet një postimi në Facebook, Kurti më tutje thotë se kjo tragjedi le të jetë rikujtim i vlefshëm për të gjithë ne për kujdes të shtuar dhe respektim të protokolleve të sigurisë si në organizim ashtu edhe në standardin e infrastrukturës ndërtimore në vendin tonë.
“Tronditës dhe pikëllues lajmi për tragjedinë sot në Koçan të Maqedonisë së Veriut të shkaktuar nga zjarri në një klub nate, ku sipas të dhënave zyrtare deri më tani kanë humbur jetën 59 të rinj e të reja. Dhimbja sa vjen e rëndohet nga secila jetë e humbur. U shpreh ngushëllimet e mia më të thella familjeve të viktimave, të gjithë qytetarëve të Republikës së Maqedonisë së Veriut dhe liderëve shtetërorë të vendit tonë fqinj, ndërkaq të lënduarve u përcjellim urimet tona më të sinqerta për shërim të shpejtë dhe të plotë”.
“Institucionet e Republikës së Kosovës janë të gatshme dhe të vullnetshme që të ndihmojnë në çdo mënyrë të mundshme. Teksa ndajmë dhimbjen e shprehim ngushëllime, le të jetë kjo tragjedi rikujtim i vlefshëm për të gjithë ne për kujdes të shtuar dhe respektim të protokolleve të sigurisë si në organizim ashtu edhe në standardin e infrastrukturës ndërtimore në vendin tonë”, ka shkruar Kurti.
Ndërsa kryekuvendari Glauk Konjufca e ka quajtur tronditës lajmin për vdekjen e të rinjëve maqedonas.
“Tronditës lajmi i vdekjes së të rinjve në Koçan të Maqedonisë së Veriut, si pasojë e zjarrit në një klub nate. Ngushëllimet më të sinqerta për të gjithë ata që kanë humbur të dashurit e tyre në këtë ngjarje të tmerrshme! Qëndrojmë pranë tyre dhe Maqedonisë së Veriut, në këto momente të vështira për ta. Të lënduarve në këtë ngjarje të rëndë iu dëshirojmë shërim sa më të shpejtë e sa më të lehtë!”, ka shkruar ai. /Reporteri.net/.
Hristjan Mickoski, kryeministër i Maqedonisë së Veriut, ka dalë në konferencë për media pas tragjedisë së madhe në Koçan ku 59 persona mbetën të vdekur e qindra të tjerë të plaguar pas marrjes flakë së një klubi nate.
“Më është thyer shpirti”, e nisi konferencën Mickoski.
“Do të ketë hapa dhe vendime me të cilat publiku nuk është mësuar. Por ndryshimet nisin nga ne”.
“Jam i vendosur dhe do të veproj me vendosmëri. Nuk dua që kjo ngjarje të politizohet, se dikush po përpiqet të bindë një palë tjetër për përgjegjësi. Kjo nuk është një betejë ndërpartiake, kjo është një betejë e të ndershmëve kundër të pandershmëve”, tha Mickoski.
“Në ditët në vijim do të marrim një sërë masash që do të thonë shumë, në luftën për këtë vend dhe në emër të të gjithë viktimave të kësaj tragjedie dhe familjeve të tyre”, tha Mickoski. /Alsat
Shumë qytetarë janë mbledhur në qendërn e Shtipit, duke bërë kështu homazhe për 59 personat që vdiqën në diskotekën e cila u përfshi nga zjarri në Koçan të Maqedonisë së Veriut.
Ata kanë ndezur edhe qirinj në kujtim të këtyre viktimave, e poashtu janë vendosur edhe disa fotografi.
Kujtojmë se përveç 59 viktimave, nga zjarri në diskotekë, të lënduar kanë mbetur edhe 155 persona./Alsat.mk
Në stacionin policor në Karposh në Shkup, në pyetje po merret edhe ish-ministri i Ekonomisë, Kreshnik Bekteshi, për tragjedinë që ndodhi në Koçan.
AlsatM raporton se Bekteshi po merret në pyetje sa i përket dhënies së licencave jolegale ndaj objektit në fjalë.
Ministri i Punëve të Brendshme, Pançe Toshkovski, paraprakisht informoi se MPB-ja në koordinim me Prokurorinë Publike deri më tani për këtë ngjarje janë të dyshuar mbi 20 persona, prej të cilëve 15 janë në stacion policor.
Në diskotekën “Pulse” që dikur kishte qenë një depo qilimash në Koçan të Maqedonisë së Veriut, mbrëmë gjetën vdekjen 59 të rinj, ndërsa deri tani raportohen të jenë 155 të tjerë të lënduar.
Akomodimi falas për familjarët e të lënduarve dhe të vdekurve në zjarrin në diskotekën Pulse në Koçan, ka ofruar nga Shoqata e Hotelierëve të Shkupit.
155 persona po trajtohen në klinikat në të gjithë vendin, ndërsa familjarët e të plagosurve janë para spitaleve në pritje të informacioneve të reja për të dashurit e tyre.
Familjet e të lënduarve dhe viktimave mund të qëndrojnë dhe pushojnë pa pagesë në hotelet në territorin e qytetit të Shkupit.
“Nëse kanë nevojë për më shumë informata, mund të telefonojnë në numrin e telefonit 073 821 120”, njoftojnë nga Shoqata e Hotelierëve Shkup.
Përkrahje për familjarët e viktimave dhe personave të lënduar kanë shfaqur dhe institucionet e tjera të shtetit, nga Ministria e Arsimit dhe Shkencës thanë që dhe konviktet në qytetin e Shkupit do të jenë në shërbim të familjarëve të prekur nga tragjedia e Koçanit./Alsat
Një ngjarje e rëndë ka ndodhur sot në Koçan të Maqedonisë së Veriut.
Si pasojë e shpërthimit të një zjarri brenda një klubi të natës, deri më tani janë konfirmuar 59 të vdekur derisa 155 persona raportohet se janë lënduar.
Ministri i Shëndetësisë në Maqedoninë e Veriut Arben Taravari, deklaroi se nuk ka informacione se në mesin e viktimave ka shqiptarë.
“Nuk kam informacion të tillë”, deklaroi ai, për Klankosova.
Situatë e tensionuar në oborrin e spitalit të Koçanit, ku familjarët me çdo kusht kërkojnë që t’i marrin kufomat e të afërmve të tyre që kanë vdekur në aksidentin tragjik në diskotekën “Puls”.
Dhimbje, trishtim, frikë dhe lot në sytë e familjarëve që prisnin në oborrin e spitalit për të marrë informacione për gjendjen shëndetësore të të afërmve të tyre.
Në mesin e tyre, ka folur edhe një i mbijetuar nga zjarri, që flet për tmerrin e përjetuar.
“Të gjithë filluan të vrapojnë drejt daljes. Të gjithë shihnin si ta shpëtojnë jetën. Askush nuk ishte i vetëdijshëm, trupa të djegur. Të gjithë ishin nën stres. Motra ime ka humbur, nuk mund ta gjejmë në asnjë spital…. Duke dalë jashtë rashë në tokë dhe njerëzit shkelën mbi mua”, tha një e mbijetuar.
“Ndodhi me shpejtësi, nuk e mbaj mend si u lëndova dhe si arrita deri në spital.. Kam djegie në kokë dhe nëpër duar.
“Asgjë nuk mbaj mend, vetëm e di se një zjarrfikës më tërhoqi dhe më tej asgjë më nuk di. Mendoj se rreth orës 3 e gjysmë, ashtu disi, gjithçka ndodhi me shpejtësi”, ka deklaruar ai.
Qytetarët dhe të afërmit shprehen të tmerruar nga kjo fatkeqësi
“E gjithë Maqedonia është në mërzi, jo vetëm Maqedonia, ngushëllime japin nga të gjitha shtetet. Kjo është tragjedi shumë e madhe, për Koçanin, por edhe për të gjithë rrethinën, ka pasur edhe nga Dellçeva, Vinica, nga fshatrat e Koçanit. Babai ishte tani pak më parë para spitalit, nuk kishin fëmijë për shumë vite”, tha një familjar.
“I biri i një mikut tim punonte sigurim, u helmua me monoksid, merrte pjesë në tërheqjen, thotë se ishte e tmerrshme, do të ju lutem kaq, nuk mundem më tepër”, u shpreh një familjar.
Ndihmë ofroi edhe Kryqi i Kuq. Kryetari, Sait Saiti tha se aktualisht nuk ka nevojë për dhurim të gjakut për pacientët.
“Sa i përket gjakut, për momentin nuk kemi nevojë, rezervat e sistemit shëndetësorë janë të mjaftueshme, nëse ka nevojë eventualisht këtu jemi. Mirëpo për momentin nuk ka nevojë të mobilizohemi për një aktivitet të tillë”, tha Sait Sati, Kryqi i Kuq.
Nga Kryqi i Kuq thonë se në terren do të mbeten edhe në ditët në vazhdim. / Alsat.mk
Një qytetar maqedonas nga Koçani ka folur pas tragjedisë me 59 të vdekur në një klub nate, si pasojë e zjarrit.
Ai në ka thënë se përreth 100 shqiptarë e telefonuan, të pikëlluar për ngjarjen.
“Kjo që shihni këtu, e kam fjalën dhe mund të them se Maqedonia sot e bëri të ditur se është shteti ynë i përbashkët, nëse ju them se 50, shihni telefonin, 100 shqiptarë më kanë telefonuar, që të gjithë qanin”.
“Një Zot e di, 100 shqiptarë më telefonuan. Vëllezër nga Gostivari, nga Tetova, nga Shkupi dhe që të gjithë qanin, vëlla. Ta dini se jemi një dhe kjo u dëshmua sot“, ka thënë ai për Klan Maqedoninë.
Deri më tani, autoritetet kanë njoftuar për 59 të vdekur dhe dhe mbi 100 të lënduar si pasojë e zjarrit në një klub nate në Koçan të Maqedonisë së Veriut.
Ministri i Punëve të Brendshme, Pançe Toshkovski ka njoftuar se 15 persona janë në polici pas zjarrit në diskotekën “Puls” në Koçan, ku si pasojë, kanë vdekur të paktën 59 persona.
Toshkovski tha se janë arrestuar të punësuar në Ministrinë e Ekonomisë, të punësuar në diskotekë, por edhe ish drejtori i Drejtorisë për Mbrojtje dhe Shpëtim.
“Deri në këtë moment, në lidhje me këtë ngjarje penalo-juridike ka ma shumë se 20 persona të dyshuar. Rreth 15 persona janë në stacion të policisë. Disa prej të dyshuarve për shkaktimin e këtij rasti penalo-juridik kanë ndërruar jetë. 4 persona për momentin janë siguruar në spital, 2 anëtarë të bendit, djali i pronarit të diskotekës dhe menaxheri i kompanisë që e ka menaxhuar diskotekën. Një pjesë e personave të ndaluar, që për momentin janë në stacion të policisë, janë njerëz që kanë faj direkt në lidhje me këtë ngjarje penalo-juridike, sipas provave që kemi”.
“Sipas provave deri tani, respektivisht është arrestuar një person që është organizator i ngjarjes, dhe për të cilin kemi dyshim se është njëri prej atyre që ka faj direkt në suaza të kryerjes së veprave konkrete penale në lidhje me këtë rast”.
Gjithashtu, janë arrestuar ish sekretari shtetëror i Ministrisë së Ekonomisë, ish, mendoj edhe udhëheqësi i tashëm i një sektori në korniza të Ministrisë së Ekonomisë, kemi arrestuar ish-drejtorin e Drejtorisë për Mbrojtje dhe Shpëtim dhe 3 të punësuar në Drejtori”, tha Toshkovski.
Familjarët e viktimave të cilët vdiqën pas zjarrit në një diskotekë në Maqedoninë e Veriut, refuzojnë që trupat e të ndjerëve ti ushtrohen autopsisë.
Ata kanë bllokuar hyrje-daljet e spitalit kryesor në Koçan për të mos lejuar heqjen e trupave të fëmijëve të tyre që duhet të dërgohen për obduksion.
Ata kanë bllokuar me makina rrugën, ndërsa janë shprehur se nuk mund të lejojnë që fëmijët e tyre të vriten për së dyti.
“Duhet të na vrisni ne që të bëni autopsi fëmijët tanë. Nuk mund ti vrisni për herë të dytë”, janë shprehur prindërit e viktimave.
Një vajze e re ka deklaruar për Euronews Albania se miq të saj kanë vdekur në zjarrin në diskotekë. Ajo tregon se njëri prej tyre ishte vetëm 14-vjeç, ndërsa shton se në diskotekë pas orës dy të natës mund të futej kushdo edhe nën moshën 18 vjeç.
“Shokë të mi kanë humbur jetën. Një nga miqtë e mi që vdiq ishe 14 vjeç. Mendoj se pas orës 2 të mëngjesit lejojnë të futen edhe pas moshës.
Ministri i Punëve të Brendshme i Maqedonisë së Veriut, Pançe Toshkovski, ka deklaruar se kanë lëshuar urdhër arreste ndërkombëtar për katër persona lidhur me tragjedinë në Koçani.
“Është lëshuar fletë arrest ndërkombëtarë për katër persona”, tha ai.
“Nga ana e MPB-së në koordinim me Prokurorinë Publike është duke u vepruar në këtë moment dhe në Ministrinë e Ekonomisë nga ku po kërkohet dokumentacioni i diskotekës në fjalë, si dhe persona të përfshirë në të”.
“Deri në orën 11:30, sipas informacioneve që i kemi në dispozicion, të vdekur janë gjithsej 59 persona”, deklaroi Toshkovski.
Andrej Gjorgjieski, vokalisti i DNK-së, ka vdekur nga zjarri në disko “Pulse” në Koçan, ku mbrëmë po performonte me grupin, ka konfirmuar një mik i ngushtë i muzikantit. Një mik i Gjorgievskit thotë se gruaja e tij Natalia e ka identifikuar nga ora që mbante. Ai ishte baba i një vajze 10-vjeçare, shkruan Reporteri.net.
Vladimir Blazev dhe Andrej Gjorgievski ndihmuan familjet e pafavorizuara sociale me faturat e energjisë elektrike dhe të shërbimeve dhe ushqimit.
Së fundi, kanë ndihmuar Berk Limanin nga lagjja e Shkupit Gjorçe Petrov, të cilit i kanë paguar faturën e rrymës prej 46.000 denarë, siç kanë njoftuar në profilin e tyre në Facebook.
Poashtu edhe Sara Projkovska, profesoreshë e pianos në Fakultetin e Muzikës, e cila këndoi vokal mbështetës në grupin “ADN”, ka vdekur nga zjarri në diskotekën “Pulse” në Koçan, ku mbrëmë po performonte me grupin, njoftoi Fakulteti i Muzikës.
“Ju njoftojmë se në tragjedinë e paprecedentë në Koçan vdekur jetën kolegia jonë, docente, M.S. Sara Projkovska. “Sara jonë plot dashuri, jetë dhe muzikë, një luaneshë dhe një njeri i sjellshëm”, thuhet në njoftimin e FMU.
Kolegu i saj Ana Kostadinovska, e cila gjithashtu këndon vokal mbështetës për “ADN” dhe është profesoreshë në shkollën e mesme të muzikës, është në gjendje stabile dhe po trajtohet në shtëpi, kanë konfirmuar familja e Kostadinovskës.
Projkovska ishte nënë e vetme e dy fëmijëve. Ajo këndoi vokal mbështetës për pothuajse të gjithë këngëtarët e estradës në Maqedoni. Ish-bashkëshorti i saj, trumpetisti i xhazit dhe mësuesi i trumbetës, Aleksandar Nikolovski, vdiq në moshën 48-vjeçare në vitin 2021.
Në zjarrin në diskotekën e Koçanit, vdiq edhe bateristi i DNK-së, Gorgi Gorgiev nga Strumica, ndërsa nga grupi u lëndua Vladimir Blazhev-Panço, i cili ka pësuar djegie në fytyrë dhe dorë dhe ndodhet në mbështetje të oksigjenit, i shtruar në Qendrën Klinike në Shkup.
Numri i të vrarëve nga zjarri në disko “Pulse” në Koçan deri më tani është 59 persona të moshës 14 deri në 25 vjeç nga Shkupi, Shtipi, Koçani, Probishtip. Në mesin e të vdekurve është edhe një polic nga Probishtip, i cili ishte në detyrë në disko atë mbrëmje, njoftoi ministri i brendshëm Pançe Toshkovski. Për katër persona është lëshuar fletarrest, por Toshkovski nuk ka treguar se sa persona janë arrestuar deri më tani. Nga 59 të vdekurit janë identifikuar 35 persona, prej tyre 31 nga Koçani dhe 4 nga Shtipi.
155 janë shtruar në objekte të ndryshme shëndetësore në të gjithë vendin, ndërsa 27 të lënduar të cilët janë në gjendje kritike do të transferohen për trajtim në Bullgari, Turqi, Greqi dhe Serbi, tha sot ministri i Shëndetësisë Arben Taravari. /Reporteri.net/.
Qeveria maqedonase e ka nisur seancën e sotme me një minutë heshtje për të nderuar personat që humbën jetën tragjikisht pas djegies së diskotekës në Koçan.
Në këtë seancë të jashtëzakonshme, pas ngjarjes tragjike në komunën e Koçanit, ku 59 persona humbën jetën ndërsa 155 persona morën lëndimet të rënda, qeveria mori vendim për shpalljen e 7 ditëve zie në mbarë vendin.
“Të gjithë duhet t’i binden vendimit, pasi dënimet për mosrespektim do të jenë të rënda. Në këto ditë Ministria e Jashtme do të hapë një libër zie brenda ministrisë për aksidentin e madh të ndodhur”, thuhet në njoftim.
Në diskotekën “Pulse” që dikur kishte qenë një depo qilimash në Koçan të Maqedonisë së Veriut, mbrëmë gjetën vdekjen 59 të rinj, ndërsa deri tani raportohen të jenë 155 të tjerë të lënduar, shkruan Gazeta Online Reporteri.net.
Nga pamjet e publikuara, raportohet se gjithçka ndodhi kur në skenë ishte grupi që po performonte, e në një moment kur po ndizeshin fishekzjarret, tavani i objektit filloi të merrte flakë.
Ministri i Punëve të Brendshme në Maqedoninë e Veriut, Pançe Toshkovski në konferencën e tij të fundit njoftoi se numri i viktimave tashmë kishte shkuar në 59.
Ministri i Shëndetësisë, Arben Taravari njoftoi se 20 persona ishin në gjendje kritike, dhe se ata do të dërgohen për shërim jashtë vendit, si Bullgari, Serbi e Turqi.
Viktimat janë të moshës 14 deri në 25, tha sot gjatë ditës Drejtoresha e Spitalit të Koçanit, Kristina Serafimova, ndërsa shtoi se janë nga Shkupi, Shtipi, Probishtip dhe Koçani.
Por ka shumë nga ata famijarë që po kërkojnë fëmijët e tyre përmes rrjete sociale, për të cilët s’kanë informacione. Madje një 21-vjeçare, e cila kishte qenë dhe vet në këtë festë, tha se s’dinë asgjë akoma për motrën e saj 25-vjeçare.
Në festën që ishte organizuar, ku u raportua nga mediat vendose se të pranishëm ishin 1500 persona, pronari i saj tashmë ka rënë nën pranga.
Ministri Toshokovski bëri të ditur para gazetarëve se janë lëshuar fletërrestime ndërkombëtare për katër persona.
Në mesin e viktimave u konfirmua të jetë njëri anëtar i grupit që po performonte mbrëmë aty në klub. Ndërsa këngëtari i grupit është në gjendje të rëndë, me oksigjen.
Edhe një futbollist, Andrej Lazarov, pjesë e ekipit të Shkupit, vdiq pasi nuk arriti t’u mbijetojë plagëve të marra.
Mediat në Maqedoninë e Veriut kanë raportuar se qeveria pritet të shpallë 7 ditë zie për tragjedinë që ndodhi të shtunën në Koçan.
/Reporteri.net/
Në diskotekën “Pulse” që dikur kishte qenë një depo qilimash në Koçan të Maqedonisë së Veriut, mbrëmë gjetën vdekjen 59 të rinj, ndërsa deri tani raportohen të jenë 155 të tjerë të lënduar, shkruan Gazeta Online Reporteri.net.
Tetëmbëdhjetë prej të plagosurve janë në gjendje kritike, raporton Agence France-Presse, me viktimat janë dërguar në spitalet në të gjithë vendin dhe përgatitjet për të çuar disa nga të plagosurit më rëndë në vende të tjera.
Nga pamjet e publikuara, raportohet se gjithçka ndodhi kur në skenë ishte grupi që po performonte, e në një moment kur po ndizeshin fishekzjarret, tavani i objektit filloi të merrte flakë.
Ministri i Punëve të Brendshme në Maqedoninë e Veriut, Pançe Toshkovski në konferencën e tij të fundit njoftoi se numri i viktimave tashmë kishte shkuar në 59.
Në diskotekën “Pulse” që dikur kishte qenë një depo qilimash në Koçan të Maqedonisë së Veriut, mbrëmë gjetën vdekjen 59 të rinj, ndërsa deri tani raportohen të jenë 155 të tjerë të lënduar, shkruan Gazeta Online Reporteri.net.
Filip Stefanovski, Gjorgi Gjorgiev, Sara Projkovska dhe Andrej Gjorgievski 4 anëtarët e grupit muzikor DNK si dhe fotografi i grupit Aleksandar Efremov janë në mesin e personave që vdiqën në tragjedinë e mbrëmshme në diskotekën PULS në Koçan.
Kjo është video e tyre e fundit që e kanë bërë së bashku.
Ministri i Punëve të Brendshme, Pançe Toshkovski deklaroi se licenca për punë e klubit të natës ku ndodhi tragjedia në Koçan, ndërlidhet me mit-marrje dhe korrupsion dhe se sipas tij do të ketë përgjegjësi.
“Kjo licencë është e ndërlidur me mit-marrje dhe korrupsion. Në këtë rast kanë emër dhe mbiemër ata që kanë dhënë këtë licencë dhe do të përgjigjen”, tha Toshkovski.
Sipas ministrit të brendshëm, në mesin e të lënduarve janë edhe mbi 20 të mitur. Ndërkohë që 3 të mitur të tjerë janë në mesin e atyre që kanë humbur jetën.
Toshkovski gjithashtu njoftoi se është arrestuar ish sekretari shtetëror i Ministrisë së Ekonomisë.
Ai shtoi se në diskotekë ka pasur rreth 500 persona dhe se janë shitur 250 bileta.
Pamje të reja të zjarrit të tmerrshëm që përfshiu diskotekën e improvizuar “Pulse” që gjendet në një ish-depo tapetësh në Koçan të Maqedonisë së Veriut janë publikuar nga Radio Koçani.
Aty shihet se objekti po digjej dhe njerëzit përpiqeshin ta shpëtonin veten, ndërsa në vendngjarje kishte mbërritur automjeti i parë i zjarrfikësve.
Sloboden Peçat shkruan se sipas informacioneve fillestare dhe jozyrtare, zjarri ka nisur kur mjetet piroteknike, janë ndezur pranë skenës gjatë një performance të grupit ADN. Në një moment tavani ka marrë flakë. Materiali i tavanit raportohet se ishte “shumë i ndezshëm”.
Kjo, siç shkruajnë mediat maqedonase, e shndërroi objektin në hi në vetëm pak minuta dhe shumë nga njerëzit brenda nuk arritën të shpëtonin.
Sipas informacioneve të fundit, nga zjarri katastrofik kanë humbur jetën 59 persona dhe 155 janë lënduar. 18 nga të lënduarit janë në gjendje kritike, thanë autoritetet shëndetësore.
Qeveria maqedonase pritet ta mbajë një mbledhje urgjente për të shpallur shtatë ditë zie në vend për shkak të tragjedisë.
Kryeministri i vendit, Albin Kurti, ka thënë se institucionet e Kosovës janë të gatshme dhe të vullnetshme që të ndihmojë në çdo mënyrë të mundshme Maqedoninë e Veriut, pas tragjedisë që ndodhi në Koçan, ku zjarri që shpërtheu brenda një klubi të natës, mori jetën e 59 të rinjve dhe të rejave.
Nëpërmjet një postimi në Facebook, Kurti më tutje thotë se kjo tragjedi le të jetë rikujtim i vlefshëm për të gjithë ne për kujdes të shtuar dhe respektim të protokolleve të sigurisë si në organizim ashtu edhe në standardin e infrastrukturës ndërtimore në vendin tonë.
“Tronditës dhe pikëllues lajmi për tragjedinë sot në Koçan të Maqedonisë së Veriut të shkaktuar nga zjarri në një klub nate, ku sipas të dhënave zyrtare deri më tani kanë humbur jetën 59 të rinj e të reja. Dhimbja sa vjen e rëndohet nga secila jetë e humbur. U shpreh ngushëllimet e mia më të thella familjeve të viktimave, të gjithë qytetarëve të Republikës së Maqedonisë së Veriut dhe liderëve shtetërorë të vendit tonë fqinj, ndërkaq të lënduarve u përcjellim urimet tona më të sinqerta për shërim të shpejtë dhe të plotë”.
“Institucionet e Republikës së Kosovës janë të gatshme dhe të vullnetshme që të ndihmojnë në çdo mënyrë të mundshme. Teksa ndajmë dhimbjen e shprehim ngushëllime, le të jetë kjo tragjedi rikujtim i vlefshëm për të gjithë ne për kujdes të shtuar dhe respektim të protokolleve të sigurisë si në organizim ashtu edhe në standardin e infrastrukturës ndërtimore në vendin tonë”, ka shkruar Kurti.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
