Prej orësh po vijon numërimi i votave në qarkun e Shkodrës.
Nga 405 qendra votimi, deri tani janë numëruar 108.
PD ëahtë e para me 40.89% apo 10222 vota, PS e dyta me 35.03% apo 8863 vota, shkruan Reporteri.net.
PSD ka marrë 19.19% apo 4854 vota.
1 mijë e 624 qendra votimi janë numëruar deri në ora 09:00 të mëngjesit në nivel vendi në Shqipëri.
Me votat e numëruara deri më tash, Partia Socialiste e Edi Ramës kryeson bindshëm me 52.84%, shkruan Reporteri.net.
Më pas renditet Partia Demokratike e Sali Berishës me 34.25%.
E treta Partia Socialdemokratie me 3.74 %.
E katërta Koalicioni Nisma Shqipëria Bëhet me 3.45%.
E pesta Partia Mundësia me 2.62%.
101 qendra votimi janë numëruar në qarkun e Durrësit nga gjithsej 493 sa janë në total.
PS e Edi Ramës është e para me 51.62%, shkruan Reporteri.net.
PD e Sali Berishës renditet e dyta me 40.55%
Partia Mundësia e treta me 2.4%
64 qendra votimi nga gjithsej 139 janë numëruar në qarkun e Kukësit.
Këtu po prin prindshëm Partia Demokratike e Sali Berishës me 52.93%, shkruan Reporteri.net.
E dyta renditet Partia Socialiste e Edi Ramës me 30.87%.
Kurse e treta Partia Socialdemokrate me 14.25%.
1 mijë e 495 qendra votimi janë numëruar deri në ora 08:00 të mëngjesit në nivel vendi në Shqipëri.
Me votat e numëruara deri më tash, Partia Socialiste e Edi Ramës kryeson bindshëm me 52.87%, shkruan Reporteri.net.
Më pas renditet Partia Demokratike e Sali Berishës me 34.25%.
E treta Partia Socialdemokratie me 3.72 %.
E katërta Koalicioni Nisma Shqipëria Bëhet me 3.46%.
E pesta Partia Mundësia me 2.63%.
Nga 1282 Qendra Votimi, në qarkun më të madh në vend, atë të e Tiranës, janë numëruar 256 kuti deri tani.
PS është e para me 47.83% apo 37040 vota, shkruan Reporteri.net.
PD e dyta me 35.09% apo 27175 vota
Partia Mundësia e treta me 4.91 % apo 3805 vota
Komisioni Qendror i Zgjedhjeve në Shqipëri ka numëruar 1 mijë e 660 zarfe të diasporës nga 194 mijë e 889 që janë në total.
Sipas rezultateve aktuale Koalicioni Partia Demokratike-Aleanca për Shqipërinë Madhështore kryeson deri më tani me 726 vota ose 43.95 % të totalit, e ndjekur nga Partia Socialiste me 705 vota ose 42.68% të totalit.
E treta renditet Koalicioni Nisma Shqipëria Bëhet me 117 vota ose 7.08% të totalit.
Partia Mundësia ka 35 vota, PSD me 34 vota, Lëvizja Bashkë me 21 vota dhe Partia Aleanca Kombëtare me 10 vota.
Nga ana tjetër koalicioni Euroatlantik me 4 vota dhe partitë e tjera zero vota.
Komisioni Qendror i Zgjedhjeve në Shqipëri deri në ora 07:00 të mëngjesit të sotëm ka publikuar rezultatet e 1318 Qendrave të Votimi, ku kryeson Partia Socialiste e Edi Ramës, shkruan Reporteri.net.
PS-ja renditet e para me 52.95% apo gjithsej 174713 vota.
PD-ja e dyta me 34.13% apo 174713 vota.
PSD e treta me 3.75% apo 12368 vota.
Nisma Shqipëria bëhet e katërta me 3.46% apo 11422
Partia Mundësia e pesta me 2.46% apo 2.64 %
Rezultatet mund t’i përcillni këtu LIVE. /Reporteri.net/.
Ndërkohë që vijon numërimi i votave, kryeministri Edi Rama ka ndarë një foto mëngjesin e kësaj të hëne.
“Çfarë agimi ky sot”, ka shkruar Rama në Facebook teksa ka shpërndarë një foto me nuanca të ngjyrës lejla, e cila tregon pamjen e Sheshit Skënderbej nga oborri i selisë së Partisë Socialiste.
Deri më tani janë numëruar 1189 Qendra Votimi nga 5225 në total nga të cilat, Partia Socialiste ka 52.99% të votave, Partia Demokratike me 34.12% të votave.
Deri në orën 06:00 të mëngjesit të kësaj të hëne nga qendrat e votimit janë këto rezultate:
Aktualisht votat e diasporës në parkun olimpik “Feti Borova” numërohen të ndara sipas qarqeve, por pa ato të Greqisë.
Janë numëruar deri tani 977 zarfa të dërguar nga emigrantët, ku PS dominon me 47,23%, e ndjekur nga PD me 38,60%.
Numërimi i votave në parkun olimpik për votat e diasporës u ndërpre dhe do të rinisë në orën 10:30, në parkun olimpik.
Komisioni Qendror i Zgjedhjeve në Shqipëri ka nisur publikimin e rezultateve.
Janë numëruar 12 Qendra Votimi, ku del kryeson Partia Socialiste e Edi Ramës.
PS-ja ka 1544 vota, kurse Partia Demokratike ka fituar 696 vota nga kutitë e numëruara.
Partia Mundësia ka 32 vota, kurse Shqipëria Bëhet 88 vota.
KQZ-ja në Shqipëri ka nisur publikimin e rezultateve.
Rezultatet mund t’i përcillni këtu LIVE.
Partia Socialiste kryeson bindshëm në Vorë, me 21 kutitë e para që janë votuar. Në Vorë u votua në mënyrë elektronike dhe rezultati zyrtar do të shpallet nga KQZ nesër në mëngjes, por Report Tv ka arritur që të sigurojë rezultatet për të paktën 21 kuti votimi.
21 kutitë e para të numëruara në Vorë, kanë nxjerrë fituese Partinë Socialiste. Ajo ka marrë 1902 vota ose 62%, ndërsa PD vetëm 1164 ose 38%. Vota preferenciale kryeson te Blendi Gonxhja, kandidati i PS në listën e hapur të Tiranës. Mbështetësit e PS kanë nisur festën me fishekzjarrë.
Numërimi ka nisur edhe në qarkun e Korçës. Numërohen 3 kuti në Pustec: PS me 419 vota dhe PD 208 vota.
Votat e diasporës do të numërohen nga komisionerë të partive në Tiranë, paralele me numërimin e votave në mbarë Shqipërinë.
Partia Demokratike ka kërkuar ndarjen e votave të diasporës për Greqinë, por kjo kërkesë nuk është pranuar nga kreu i KQZ-së, Ilirjan Celibashi.
Top Channel raporton se PD këmbëngul për shkak të problematikave të ardhur nga Greqia.
Sipas PD ishte një anomali se si ka mundësi që zarfet nuk vinin për shumë ditë, ndërsa në ditët e fundit erdhën.
Problematikat PD i ka ngritur ditë pas dite, ku sipas tyre në Greqi është bërë një krim zgjedhor dhe ka paralajmëruar padi në SPAK.
Demokratët kërkojnë ndarjen e votave.
Drejtuesi për qarkun e Tiranës i Partisë Demokratike Belind Këlliçi, ka folur nga dyert e komisariatit numër 2 në kryeqytet, ku ka njoftuar se ka bërë një kallëzim penal për krime zgjedhore.
Këlliçi thotë se ka depozituara një kallëzim në Policinë e Shtetit, pasi ai dhe të tjerë kanë konstatuar një subjekt që shërbente si qendër elektorale për PS. Në fakt Këlliçi thotë se kjo qendër ishte e paloguar dhe e padeklaruar.
Ai thotë se në ambientet e zyrës elektorale janë gjetur zyrtarë të lartë, përfshirë dhe deputetin Erion Braçe. Për këtë të fundit Këlliçi njofton se ka bërë kallëzim në polici dhe se vetë Braçe ka pranuar se “zyra” ishte e tij.
“Ndodhem jashtë ambienteve të komisariatit numër 2 në Tiranë. Sapo kam bërë kallëzimin dhe deklaratën për rastin në fjalë, një krim elektoral që e kapëm në flagrancë, ku morëm një indicie të një zyre elektorale të padeklaruar të PS. Çuam zyrtarët tanë ku bënë verifikimin në vend, aty u konstatuan disa zyrtarë të shtetit.
“Është qesharake, aty ishte dhe drejtoresha e Agjencisë të Inovacionit dhe të Ekselencës, një drejtoreshë e një kopshti në mos gaboj, një punonjës i tatimeve, një punonjës tjetër i njësisë bashkiake të cilët ishin mbledhur në një ambient të pa loguar, të PS ku ne patëm indicien për blerje vote. Menjëherë sapo kemi çuar anëtarët tanë, janë të filmuara edhe pamjet, kur i pyesim se çfarë po bënin dhe ata menjëherë kanë paketuar të gjitha sendet personale, kanë marrë çanta shpine, dokumente, kanë hequr nga muret harta elektorale me informacione, lista me emra dhe të dhëna zyrtare dhe kanë ikur me vrap. Kanë dalë pamjet filmike në media”, ka thënë Këlliqi për TVKlan.
Numërohen tre kutitë e para në bashkinë e Pustecit në Korçë. PS kryeson me 419 vota, kundrejt PD me 208 vota.
Tre vota shkojnë për partinë Mundësia të Agron Shehajt, një për Aleancën Kombëtare Shqiptare (AKSH) të Elena Kocaqit, 1 për Lëvizjen Bashkë e Arlind Qorrit dhe një për koalicionin e Adriatik Lapajt.
Po ashtu, paralelisht do të numërohen edhe votat e Diasporës për qarkun e Korçës. /Shqiptarja.com
Komisioni Qendror i Zgjedhjeve në Shqipëri ka publikuar në përqindjen të dhënat e pjesëmarrjes në votime për parlamentaret e 2025.
Sipas KQZ 42.16% ka qenë pjesëmarrja në zgjedhjeve e shqiptarëve brenda vendit.
Pjesëmarrja në votime në 2023 ka qenë 37.79% dhe 48.59% në 2021./TCh
Rezultatet e dy qendrave të votimit elektronik në Vorë kanë bërë që Partia Socialiste atje të nisë festën.
Eksponentë të selisë rozë kanë shpërthyer fishekzjarret pas publikimit të rezultatit që i nxjerr ata fitues.
Kujtojmë se rezultati nuk është përfundimtar pasi ka edhe shumë qendra të tjera për t’u numëruar.
Sipas rezultateve të kutive, PS ka marrë 222 vota ndërsa PD, 73 vota.
Në qendër votimi është fituar 98 me 31 ndërsa tjetra 124 me 42 vota./tvklan.al
Agron Shehaj nga Partia Mundësia ka thënë se po presin rezultatert zyrtare, derisa Exit Polli vendos këtë parti me dy mandate te fituara.
Ai tha se pret të fitojnë më shumë se sa kaq.
“Është e vështirë të bësh parashikime në këtë moment, por tani po monitorojmë procesin e numërimit, kemi mbi 1 mijë vvëzhgues, presim rezultatin.
Tani unë prita…Unë mund të them për parashikimin që bëri Batoni, nëse Batoni 2, unë shpreoj që do të jemi më shumë se ç’thotë Batoni” , tha ai në TV Klan.
Nga rezultati i printuar në këto dy qendra, në fshatin Domje, shihet një dominim i Partisë Socialiste, me 222 vota, ndërsa Partia Demokratike dhe koalicioni i saj kanë marrë vetëm 73 vota.
Janë publikuar rezultatet e para të dy kutive në Vorë, ku është aplikuar votimi elektronik.
Sipas të dhënave të siguruar në qendrën e votimit nr. 1558, ZAZ 27, janë regjistruar 1,000 zgjedhës, ndërsa kanë votuar 138 qytetarë, çka përbën një pjesëmarrje prej 13.8%. Nuk është regjistruar asnjë votë e pavlefshme.
Partia Socialiste është renditur e para, me 98 vota të marra. Kandidati më i votuar i PS në këtë zonë është Blendi Gonxhja me 53 vota.
Koalicioni “Aleanca për Shqipërinë Madhështore” ka siguruar 31 vota.
Partia Mundësia ka marrë 4 vota. Ndërkohë, Lëvizja Bashkë, ka marrë vetëm 1 votë, dhe “Nisma Shqipëria Bëhet”, ka marrë tre vota.
Ndërkohë që procesi i numërimit në Vorë ka vijuar me kutinë e dytë të hapur, në qendrën e votimit 2037/1 në Domje.
Sipas të dhënave zyrtare, në këtë qendër PD-ASHm ka marrë 42 vota, ndërsa Partia Socialiste është renditur e para me 124 vota, me Blendi Gonxhen që kryeson me 75 vota.
Nisma Shqipëria Bëhet ka marrë 1 votë, Partia Mundësia 4 vota, Partia Aleanca Kombëtare Shqiptare 2 vota dhe PSD 5 vota.
Pas publikimit të rezultatit, në Vorë nisi edhe festa me fishekzjarrë nga simpatizantë të Partisë Socialiste.
Blerim Shera, kryetari i Bashkisë së Vorës, gjithashtu socialist, tha se Vora ka zgjedhur Edi Ramën. “Ne kemi kohë që punojmë për këtë rezultat, nuk është rastësor”, tha ai për gazetarët.
Drejtuesi politik i PS-së për diasporën në këto zgjedhje, Taulant Balla, tha se populli foli me votë sot, ndërsa detyra e partive është ta lexojnë atë dhe të pranojnë rezultatin.
“Edhe njëherë që të jetë e qartë, populli ka folur rezultati është në kutitë e votimit, detyra jonë është ta lexojmë dhe ta pranojmë rezultatin”, tha Balla.
/TVKlan
Kreu i PD-së, Sali Berisha, ka mbajtur një konferencë për media në zyrat e partisë ku ka thënë se treguesit tregojnë për dominim të Partisë Demokratike dhe aleatëve të saj.
“Të gjithë treguesit janë për dominim të qartë të Aleancës tonë, të gjithë treguesit, them edhe rritja e ndjeshme e përqindjes në votime në zona është një ogur i bardhë për rezultatin e Aleancës tonë”, tha Berisha, shkruan Reporteri.net.
Ai tha se nuk merret me Exit Polle, por pret rezultatin e dalë nga sovrani.
Ka përfunduar edhe zyrtarisht votimi në zgjedhjet parlamentare në Shqipëri, me Exit Pollet që e tregojnë Partinë Socialiste fituese.
Komisioneri Shtetëror i Zgjedhjeve, Ilirjan Cleibashi u ka bërë thirrje partive politike për qetësi dhe vetëpërmbajtje.
Ve kësaj, ai ka thënë se rezultati preliminar nuk do të vonohet më shumë se deri pasditen e së martës.
“Ajo çfarë të gjithë do të duhet të kemi në vëmendje, qetësia që duhet të kenë partitë dhe u heqësit politike. Është e këshillueshme që deklarimet për rezultatet që vijnë pas vlerësimit të fletëve të votimit nga partitë politike janë pa asnjë vlerë dhe janë me kontribute jo pozitive.
Votat janë në kutitë e votimit dhe duhet të presim me durim numërimin. Duhet të ketë qetësi dhe vetëpërmbajtje nga të gjitha palët.
Rezultatin paraprak do të kemi jo më vonë se pasditja e të martës.
KQZ nuk do toleroje asnjë rast apo iniciative që shkon kundër integritetit të numërimit”, ka thënë ai.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
