“Përgjigja është libri” – me këtë moto është hapur këtë vit Panairi i 24-të i librit, ngjarja kryesore kulturore e këtyre ditëve, raporton Gazeta Online Reporteri.net.
Në Panair po marrin pjesë rreth 100 botues nga Kosova e gjithë rajoni, po ashtu nga diaspora.
Sivjet, janë rreth dy mijë tituj të rinj e rreth gjashtë mijë të botuar nga vitet e fundit.
Në panair, si rëndom, janë edhe veprat e shkrimtarit turk Orhan Pamuk.
Këtë vit, shtëpia botuese “Skanderbeg” është e vetmja që ka sjellë për lexuesit librat e shkrimtarit turk, Pamuk.
Shkrimtari nobelist turk, Orhan Pamuk, është takuar ditë më parë me kryeministrin e Kosovës, Albin Kurti.
Por, a pati ndikim te lexuesit takimi i Kurtit me Pamukun?
Jo, në fakt, shitësit i thanë gazetës online Reporteri.net se nuk është vërejtur ndonjë shitje më e madhe krahasuar me vitet e kaluara.
Panairin e vizitoi edhe ministrja e Arsimit, Arbërie Nagavci, dhe një interesim të veçantë e pati për librat e shkrimtarit Pamuk, apo, siç i tha ajo “PAMBUK”.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
