Kryetari i Organizatës së Veteranëve të Luftës së UÇK-së, Hysni Gucati, ka reaguar pas dënimit të Gjykatës Themelore në Prizren të Darko Tasiq me 22 vjet burgim, duke thënë se ky dënim është shumë i vogël, pasi ai ka kryer krime mizore ndaj popullatës civile shqiptare.

Gucati ka shkruar se Tasiq, bashku me forcat policore dhe paraushtarake, ka plaçkitur e shkatërruar pasuritë e shqiptarëve gjatë luftës së fundit në Kosovë.

“Nuk pajtohemi me vendimin e Gjykatës Themelore në Prizren që ka shqiptuar një dënim shumë të vogël për krimet mizore që ka kryer Tasiq në popullsinë civile shqiptare. Tasiq duhet ta marrë dënimin e merituar”, ka shkruar ai.

https://www.facebook.com/hisni.gucati/posts/2999510200165174