Kryetari i Lëvizjes Vetëvendosje, Albin Kurti, ka thënë se në partinë që drejton janë anëtarësuar 12 mjekë.

Sipas tij, Vetëvendosje po rritet sepse promovon profesionistet.

“Sot, në Lëvizjen tonë në Pejë u anëtarësuan 12 mjekë. VETËVENDOSJE! po rritet sepse është e vetmja organizatë ku profesionistët vlerësohen e promovohen”, ka shkruar ai në Facebook. Ai ka publikuar edhe emrat e të anëtarësuarve në LVV.

Ata që u anëtarësuan janë: Rrezarta Berisha, transfuziologe; Fazli Shala, kirurg; Rifat Dreshaj, kirurg; Besnik Ibraj, mjek emergjent; Sylë Nikqi, gastroenterolog; Valentina Ademaj, infermiere; Valon Shala, neurolog; Selman Kelmendi, anestezist; Reshat Emra, kardiolog; Fahri Hasan, pulmolog; Driton Berisha, farmacist; Besnik Gjikolli, farmacist.