Dymbëdhjetë zyrtarë të Policisë së Kosovës për rajonin e Prizrenit janë infektuar me koronavirus.
Këtë e ka konfirmuar zyrtari për informim i Policisë së Kosovës për rajonin e Prizrenit, Shaban Osmanollaj.
Ai tregoi që sot janë testuar 20 zyrtarë policorë dhe vetëm 12 prej tyre kanë rezultuar pozitivë.
Të tjerët, siç ka thënë Osmanollaj për Klan Kosova, të gjithë kanë rezultuar negativë.
Instituti Kombëtar i Shëndetësisë Publike të Kosovës (IKSHPK) ka njoftuar se janë konfirmuar edhe 21 raste të reja me koronavirus në vend.
“Rastet pozitive janë raste kontakti nga: komuna e Prizrenit 19 raste (sipas vendbanimit:15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë)”, ka njoftuar IKSHPK.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
