Deputeti i PDK-së, Bekim Haxhiu, ka thënë se kryetarja e Kuvendit të Kosovës, Vjosa Osmani, ka injoruar UÇK-në në fjalimin e saj për Ditën e Çlirimit.

Sipas tij, fjalimi ishte skandaloz pasi u injoruan edhe mijëra dëshmorë të rënë më emblemën e UÇK-së, shkruan Reporteri.net.

I njohuri si Kamishi, ka thënë se qytetarët duhjet ta kuptojnë, siç thotë ai, urrejtjen patologjike për UÇK-në të “kësaj gruaje të re e të mbushur me aq pezëm ndaj njerëzve të luftës”.

Publikimi i plotë i Kamishit:

Fjalimi skandaloz i Vjosa Osmanit në Parlamentin e Republikës së Kosovës, në Ditën e Çlirimit.
Ajo me vetëdije të plotë, në fjalimin e saj injoroi tërsisht rolin e UÇK-së në çlirimin e vendit.
Vjosa injoroi mijëra deshmorë të rënë në fushëbetja me emblemën e UÇK-së.
Pa luftën e UÇK-së nuk do të kishte Ditë të Çlirimit, nuk do te kishte as aleancë te Kosovës me NATO-n, as nuk do te kishte mundësi qe Vjosa të ulej në ulsen e Kuvendit aq ma tepër si kryetare mosmirënjohëse.

Tani vetë qytetarët le ta kuptojnë nga rrjedhë gjithë kjo urrejtje patologjike për UÇK-së e kësaj gruaje të re e të mbushur me aq pezëm ndaj njerëzve të luftës së fundit.
Turp çfarë kryetare Kuvendi ka Republika e Kosovës!