Kryetari i Lidhjes Demokratike të Kosovës, Lumir Abdixhiku, ka vazhduar me publikimin e videove ironizuese për mos-punën e Qeverisë aktuale.

Video këtë herë i kushtohet dështimit të Qeverisë në Infrastrukturë.

“4 vjet, 2 kilometra rrugë! Mos ja bo vetit rrafsh! #behundryshimi”, ka shkruar Abdixhiku.

“Përnime nuk është qaq keq. S’pe kuptoj pse njerëzit po ankohen. Ok, asni rrugë s’është kry, po su bo nami. Ndodh me tu prish kerri prej gropave po s’ka sen që s’nreqet. Edhe kurrgjo s’bohet me ec n’kamë. 30 kilometra çka janë për marakli hajt? Sen. Ec n’kamë knaqesh. Unë mënoj që është super. Krejt varet qysh e sheh”, thuhet në tekstin e videos së postuar në Facebook.

Abdixhiku edhe më herët gjatë intervistave ka përmendur faktin se për katër vjet, kjo qeveri ka shtruar vetëm 2 km rrugë të reja në gjithë Kosovën.