Mocioni i mosbesimit nga Qeverisë Kurti, i dorëzuar nga LDK-ja në Kuvend të Kosovës, përveç nga deputetët e opozitës AAK, NISMA e AKR, mbështetje ka marrë edhe nga dy deputetë të minoriteve jo serbe në Kosovë.

Dy deputetë të pakicave jo serbe në Kosovë kanë nënshkruar mocionin e iniciuar nga grupi parlamentar i LDK-së, për rrëzimin e Qeverisë Kurti, shkruan Reporteri.net.

Mocioni i dorëzuar në Kuvend, para pak minutash, është nënshkruar nga gjithsej 46 deputetë të Kuvendit të Kosovës.

Nënshkrime nuk kanë dhënë dy deputetët e LDK-së, Ardian Shala e Haxhi Avdyli, përkundër se partia e tyre ka iniciuar mocionin në fjalë.

Mbështetje këtij mocioni i kanë dhënë deputetët e AAK-së dhe NISMA’s, sikurse Mirlinda Sopi-Krasniqi e Behgjet Pacolli nga AKR-ja.

Por, jo edhe PDK-ja si partia më e madhe opozitare në Kuvend.

Për të kaluar mocioni për rrëzimin e qeverisë Kurti, LDK-së iu duhen 61 vota gjatë votimit në Kuvend. /Reporteri.net/.