Tash ai do të shërbejë si Kryeministër në detyrë. Pra nuk është një kryeministër i plotë. Si rrjedhojë, edhe veprimet i ka më të kufizuara. 50 ditë si Kryeministër, Albin Kurti u prit me entuziazëm e me kureshtje edhe nga Evropa e vende të tjera.

Se si do të prezantohej në botë, dëshironin ta shihnin të gjithë. Por, Kurti nuk e pati këtë fat. Në kaq ditë sa qëndroi në kryeministri, ai patoi vetëm një vizitë shtetërore, dhe atë në Shqipëri.

Atje u prit me nderime të larta. Asnjë shtet tjetër nuk e vizitoi ai, në një vizitë shtetërore, kur pritet edhe nga homologu, shkruan Reporteri.

Kryeministri Kurti pati edhe një vizitë në Munich e në Londër, por ato ishin pjesëmarrje në konferenca ndërkombëtare e ku kanë marrë pjesë edhe kryeministra e presidentë.

Tepihun e kuq, ai e shkeli vetëm në Prishtinë, kur pranoi detyrën dhe kur ishte në vizitë në Shqipëri.

Tani që ai është në dorëheqje, shtetet janë mbyllur, pasi një pandemi ka goditur botën.