Banorët e gjashtë fshatrave të Gjakovës kanë paralajmëruar një protestë në vendin e quajtur ‘Shpella e Kusarit’ në ora 11:00, shkruan Reporteri.net

Sipas njoftimit nga ana e banorëve shkaku i protestës mësohet të jetë mbrojtja e natyrës nga gurthyesit, dëmtimit të pyjeve dhe natyrës në përgjithësi.

Protestuesit janë të fshatrave: Kusar, Dol, Pjetërshan, Lipovec, Raçë dhe Moglicë.

Shkatërrimi i ambientit në Kosovë ka marrë përmasa shqetësuese. Brenda vitit shumë kodra, zona malore, po shkatërrohen.

Kjo gjendje e rëndë ambientale është si pasojë e mbi 184 gurthyesve të licencuar të cilët po e degradojnë ambientin në Kosovë.

Alarmuese situata është edhe nga gurthyesit të cilët llogariten se ushtrojnë veprimtarinë e tyre në mënyrë ilegale. /Reporteri.net/