Janë konfirmuar edhe 20 raste të reja me COVID19 në vendin tonë. Kështu numri i të infektuarve ka shkuar në 165.

15 prej këtyre rasteve janë nga fshati Banjë e Malishevës, sikurse edhe dy tjera nga kjo komunë; një nga Suhareka dhe nga një rast në Drenas e Prishtinë.

Vlen të theksohet se nga shpërthimi i koronavirusit më 13 mars, komuna e Malishevës është më e prekura, pra me rastet më të shumta.

Janë 62 persona të prekur me koronavirus, shumica prej tyre nga fshati Banjë e Malishevës.

Vlen të theksohet se kryetari i kësaj komune, Ragip Begaj, në disa prononcime dhënë për Reporteri.net ka shprehur shqetësimin vazhdimisht se komuna që udhëheq ai nuk e ka vëmendjen e duhur nga institucionet qendrore dhe se nuk i kanë dhënë mjaftueshëm materiale mbrojtëse.

Ndërsa rastet në Malishevë kanë shpërthyer, sonte hartës së komunave të prekura me koronavirus i është shtuar edhe Drenasi.

Me rastet e konfirmuara sonte, shkon në 165 numri i personave të infektuar, derisa kanë vdekur 3 persona.

Kurse numri i të shëruarve nga ky virus në Kosovës, është 24 persona. /Reporteri.net/.