9 persona kanë vdekur në 24 orët e fundit në Kosovë si pasojë e koronavirusit.

IKSHPK po ashtu njofton edhe për 115 raste të reja dhe 116 të shëruar, shkruan Reporteri.

Këto shifra kanë dalë nga gjithsej 466 mostra sa janë testuar gjithsej.

Kujtojmë se gjatë ditës së djeshme u shënua vetëm një rast i vdekjes në Kosovë nga Covid-19.

Me viktimat e fundit, numri total i të vdekurve shkon në 508.

Rastet e sotme pozitive janë nga: komuna Prishtinë 41 raste, komuna Prizren 11 raste, komuna Drenas 8 raste, komuna Gjakovë 7 raste, komuna Ferizaj 6 raste, komuna Mitrovicë 6 raste, komuna Fushë Kosovë 4 raste, komuna Gjilan 4 raste, komuna Deçan 3 raste, komuna Suharekë 3 raste, komuna Vushtrri 3 raste, komuna Dragash 2 raste, komuna Junik 2 raste, komuna Kamenicë 2 raste, komuna Lipjan 2 raste, komuna Pejë 2 raste, komuna Rahovec 2 raste, komuna Shtime 2 raste dhe me nga një rast komunat Han i Elezit, Klinë, Malishevë, Obiliq dhe Podujevë.