Vijon të paraqitet serioze situata me Covid-19 në vend. Në 24 orët e fundit kanë humbur jetën dy pacientë, një 64 vjeçare nga Shkodra dhe një 63-vjeçare nga Elbasani.

Ndërkohë janë regjistruar 96 raste të reja pozitive në 451 testime të kryera.

Shpërndarja gjeografike e rasteve është si vijon: 51 raste në Tiranë, 6 në Shkodër, 5 në Durrës, nga 4 raste në Elbasan, Pogradec, nga 3 raste në Krujë, Kukës, nga 2 raste në Fier, Lezhë, Kavajë, Kamëz, Dibër, dhe nga 1 rast në Kurbin, Korçë, Devoll, Has, Lushnje, Mat, Përmet, Sarandë, Prrenjas, Bulqizë.