Sot në Aqarevë bëhen 20 vjet nga rënia e dëshmorit të kombit, Xhafer Avdullahu, me këtë rast ka reaguar djali i tij, Berat Avdullahu.

Djali i dëshmorit, Berati përmes një postimi në Facebook ka shprehur pakënaqësitë e tij dhe ka disa pyetje për komandantët dhe përveç kësaj ka thënë që çdo njëri prej nesh e ka një përgjigje për gjitha këto pyetje.

Sipas tij përfundimisht të gjithë janë të pakënaqur me te arriturat e Kosovës 20 vjet pas luftës, shkruan Reporteri.net

Postimi i tij i plotë:

Sot bëhen 20 vite nga rënie e dëshmorit të kombit, Xhafer Avdullahi.
Por, a është kjo Kosova që luftoi babai im e krejt ata që nuk janë sot më?
A është kjo Kosova që do të donte ta shihte Komandanti Legjendar Adem Jashari?
A është kjo Kosova që do t’i bënte të lumtur gjithë dëshmorët, po të ishin gjallë?
A luftuan ata që komandantët e tyre të bëhen milionerë, përderisa shumë ushtarë të tyre kanë bërë vetëvrasje nga varfëria e thellë, shumë të tjerë janë larguar nga vendi thellësisht të dëshpëruar?
A luftuan që fëmijët e tyre ta shijojnë lirinë në vendin e tyre, apo të bredhin rrugëve në shtetet e huaja në kërkim të një jetë më të mirë?
Ku mbeten komandantët që në luftë ndanin kafshatën e gojës me ushtarët e tyre, madje edhe një tym cigareje e ndanin bashkë?
Ku jeni? Pse nuk po jepni përgjigje?
Pra, çdo njëri prej nesh e ka një përgjigje për gjitha këto pyetje. Përfundimisht të gjithë janë të pakënaqur me te arriturat e Kosovës 20 vjet pas luftës.
Baba, unë biri yt!
Nder dhe respekt për të gjithë ata që edhe 20 vjet pas luftës për çdo përvjetorë vizitojnë familjet dhe varrezat e dëshmorëve në nder dhe kujtim për ata që pa gjakun e të cilëve ne sot nuk do ta gëzonim lirinë.
Aqarevë 17.05.2019