Pjetër Ndreca, vrasësi i gruas dhe vajzës së tij, thotë se është i penduar për krimin që kreu gati një vitë më parë në Gjakovë.

“Jam i penduar shumë për këtë pune”, tha i dënuari me burgim të përjetshëm në një intervistë televizive nga burgu i sigurisë së lartë.

“Unë si Pjeter nuk muj me kthy këtë punë. Po, gjithçka kisha ba me e kisha qit pas shpine”, tha ai.

Ndrecaj gjatë kësaj interviste akuzoi familjen e gruas së tij, se e kanë nxitur vrasjen që kreu, të gruas dhe vajzës së tij.

Megjithatë, ai thotë se po të kthehej mbrapa do t’i falte.

“Ja u kisha fal”, tha ai në intervistën për Klan Kosovës, përcjellë Reporteri.net.

“E pranoj fajësinë pjesërisht. Ai që bën dhunë në familje nuk i bën dhunë gruas as nuk i bën kerr, as nuk e çon në deti.
Drejtësia ka gabuar shumë, është bërë padrejtësi. Është vendim i padrejtë. Te gruja e kam pranu, por a e vret dikush fëmijtë vet a?
Shumë e padrejtë mu ka bo. Unë nuk i kam ik shtetit kurrë, as nuk i iki”, ka deklaruar ai. /Reporteri.net/.